మెయిన్ లీడ్ గా వెన్నెల కిషోర్.. హిట్ అందుకుంటాడా..?

టాలీవుడ్ లో కమెడియన్ గా గుర్తింపు తెచ్చుకున్న చాలా మంది నటులు హీరోలుగా మారి సినిమాలు చేశారు. కానీ ఎవరూ సరైన సక్సెస్ మాత్రం అందుకోలేకపోయారు. దీంతో తిరిగి కామెడీ చేస్తూ ప్రేక్షకులను ఎంటర్టైన్ చేస్తున్నారు. ఈ లిస్ట్ చాలా మంది కమెడియన్ల పేర్లు విన్నాం. కాగా.. తాజాగా మరో కమెడియన్ కూడా మెయిన్ లీడ్ లో నటించడానికి రెడీ అవుతున్నారు. ‘వెన్నెల’ సినిమాలో తన కామెడీతో మెప్పించి ఆ సినిమా పేరుని ఇంటి పేరుగా మార్చేసుకున్నాడు వెన్నెల కిషోర్.

ప్రస్తుతం కెరీర్ పరంగా పీక్ స్టేజ్ లో ఉన్నాడు. దాదాపు స్టార్ హీరోలందరి సినిమాల్లో వెన్నెల కిషోర్ కనిపిస్తున్నాడు. వరుస టాలీవుడ్ సినిమాలతో బిజీగా మారిన వెన్నెల కిషోర్ ని ఇప్పుడు ఓ వెబ్ సిరీస్ కోసం సంప్రదిస్తాన్నారని తెలుస్తోంది. మెయిన్ లీడ్ కావడంతో అతడు కూడా నటించడానికి సిద్ధమవుతున్నారట. దర్శకుడు వేణు ఊడుగుల ఈ వెబ్ సిరీస్ ను నిర్మించబోతున్నారు. ఈ విషయాన్ని ఆయనే స్వయంగా వెల్లడించారు. అంతేకాదు..

ఈ సిరీస్ కి తను కేవలం నిర్మాతగానే ఉంటానని, డైరెక్ట్ చేయడం లేదని క్లారిటీ ఇచ్చారు. త్వరలోనే ఈ వెబ్ సిరీస్ ను ప్రారంభించబోతున్నట్లు సమాచారం. ఈ సిరీస్ ను అల్లు అరవింద్ కి చెందిన ‘ఆహా’ ఓటీటీ ప్లాట్ ఫామ్ లో స్ట్రీమింగ్ చేయనున్నట్లు తెలుస్తోంది. ఈ సిరీస్ తో వెన్నెల కిషోర్ ఎలాంటి సక్సెస్ అందుకుంటాడో చూడాలి!

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!