‘వాల్తేరు వీరయ్య’ సక్సెస్‌ పార్టీ ఎప్పుడు? గత కొద్ది రోజులుగా టాలీవుడ్‌లో దీని గురించే చర్చ నడుస్తోంది. తాజాగా దీనిపై క్లారిటీ వచ్చేసింది. ప్రీ రిలీజ్‌ ఈవెంట్‌ను ఉత్తరాంధ్రలో నిర్వహించిన టీమ్‌.. సక్సెస్‌ పార్టీని తెలంగాణలో నిర్వహించాలని అనుకుంటోందట. దీని కోసం ప్లేస్‌, గెస్ట్‌లను ఫిక్స్‌ చేసేశారు అని సమాచారం. త్వరలోనే దీనిపై సమాచారం ఇస్తారని తెలుస్తోంది. అయితే ఈవెంట్‌ ఆర్గనైజింగ్‌ టీమ్‌కి ఇప్పటికే దీనికి సంబంధించిన సమాచారం ఇచ్చేశారట. దాని ప్రకారం చూస్తే.. ఈవెంట్‌ను భారీగా నిర్వహిస్తారని సమాచారం.
సంక్రాంతి సందర్భంగా విడుదలైన ‘వాల్తేరు వీరయ్య’ సినిమాకు భారీ వసూళ్లు వచ్చాయి. తొలి పది రోజుల్లో ప్రపంచవ్యాప్తంగా ఈ సినిమా రూ. 200 కోట్ల వసూళ్లు సాధించింది అని టీమ్‌ ఇటీవల ఓ పోస్టర్‌ విడుదల చేసింది. ఈ నేపథ్యంలో వసూళ్లకు తగ్గట్టుగా ఈవెంట్‌ను కూడా అంతే భారీగా నిర్వహించాలని అనుకుంటున్నారు. దీని కోసం వరంగల్‌ను వేదికగా ఎంచుకున్నారని టాక్ వినిపిస్తోంది. ఇక చీఫ్‌ గెస్ట్‌గా తెలంగాణ ఐటీ మినిస్టర్‌ కేటీఆర్‌ను ఆహ్వానిస్తున్నారని సమాచారం. రామ్‌చరణ్‌ కూడా వస్తాడని టాక్.
ఈ నెల 28న ఈవెంట్‌ను నిర్వహించాలని టీమ్‌ అనుకుంటోందట. ఈ మేరకు అనుమతుల కోసం అధికారులను సంప్రదించారని టాక్ వినిపిస్తోంది. అనుమతులు రాగానే ఈవెంట్‌ విషయం అనౌన్స్‌ చేస్తారని టాక్. సినిమాకు ఇప్పుడు వచ్చిన వసూళ్లు కంటే పెద్ద నెంబరు తర్వాత వచ్చే అవకాశం లేదు అంటున్నారు. కాబట్టి రూ. 200 కోట్ల మైలు రాయి నేపథ్యంలోనే ఈవెంట్‌ బెటర్‌ అనేది టీమ్‌ ఆలోచన అంటున్నారు.
విదేశాల్లో ఫుల్‌ రన్‌లో 2.5 మిలియన్ డాలర్లు వస్తుందని అంచనా వేస్తున్నారు. ఇక ఈ ఈవెంట్‌కి శ్రుతి హాసన్‌ వస్తుందా? లేదా అనేది మరో చర్చ. ఎందుకంటే ఈ సినిమాకు సంబంధించి ఏ ప్రచార కార్యక్రమానికీ ఆమె రాలేదు. మరి ‘వీరయ్య’ ఆఖరి పార్టీకైనా శ్రుతి హాజరవుతుందా లేదా అనేది చూడాలి.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
