తమిళ స్టార్ హీరో విజయ్ .. టాలీవుడ్ స్టార్ డైరెక్టర్ వంశీ పైడిపల్లి దర్శకత్వంలో ఓ చిత్రం చేస్తున్నాడు. ఈ మూవీకి ఇంకా టైటిల్ పెట్టలేదు. ‘శ్రీ వెంకటేశ్వర క్రియేషన్స్‌’ ‘పీవీపీ’ బ్యానర్ల పై దిల్ రాజు, శిరీష్, పరమ్ వి పొట్లూరి, పెరల్ వి పొట్లూరి సంయుక్తంగా ఈ చిత్రాన్ని నిర్మిస్తున్నారు. లేటెస్ట్ అప్డేట్ ప్రకారం 25 రోజుల పాటు చిత్రీకరించిన భారీ షెడ్యూల్ షూటింగ్ ని పూర్తి చేసినట్టు చిత్ర బృందం తెలిపింది.
ఈ మొదటి లాంగ్ షెడ్యూల్‌లో చాలా కీలకమైన సన్నివేశాలను చిత్రీకరించినట్టు కూడా చిత్ర బృందం వెల్లడించింది. అంతేకాదు ఈ విషయాన్ని చెబుతూ.. ఓ పిక్ ను కూడా రిలీజ్ చేసింది చిత్ర బృందం. ఈ పిక్ లో దర్శకుడు వంశీ పైడిపల్లి హీరో విజయ్ కు సీన్ ను వివరిస్తున్నట్లు కనిపిస్తుంది. విజయ్ చాలా క్లాస్ లుక్ లో కనిపిస్తున్నాడు. అక్కడి వరకు బాగానే ఉంది. కానీ ఈ పోస్టర్ పై కాపీ ఆరోపణలు కూడా వ్యక్తమవుతున్నాయి.
వంశీ పైడిపల్లి… మహేష్ బాబుతో చేసిన ‘మహర్షి’ చిత్రం మొదటి షెడ్యూల్ టైంలో కూడా ఇలాంటి పిక్ ను ఒకటి రిలీజ్ చేశాడు. ఆ పిక్ లో కూడా మహేష్ బాబు ఇలానే నిలబడి ఉన్నాడు. కాకపోతే అందులో దర్శకుడు వంశీ పైడిపల్లి లేడు. అందులో కూడా మహేష్ బాబు చాలా క్లాస్ గా కనిపిస్తాడు. మొహం కనిపించకపోయినా ఆ పిక్ అభిమానులకు రీచ్ అయ్యింది. అయితే ఇప్పుడు విజయ్ పిక్ కూడా ఇంచు మించు అలానే ఉంది.
ఇందులో కూడా విజయ్ మొహం కనిపించలేదు. దీంతో దర్శకుడు వంశీ పైడిపల్లి ‘మళ్ళీ ‘మహర్షి’ నే ఫాలో అవుతున్నాడా?’ అనే కామెంట్స్ మొదలయ్యాయి. నిజానికి అతని సినిమాల్లో కథలు కొత్తగా ఏమీ ఉండవు.ఒక్క ‘ఊపిరి’ ని పక్కన పెడితే అతను తీసిన మిగిలిన సినిమాలు… ఒక్కో సినిమాలో 3,4 సినిమాల పోలికలు కనిపిస్తాయి.అయినప్పటికీ మాస్ ప్రేక్షకుల్ని అలరించే అంశాలతో సినిమాని నింపుతాడు. అందుకే బాక్సాఫీస్ వద్ద పాజిటివ్ రిజల్ట్స్ అందుకుంటాడు వంశీ. ఈసారి కూడా అలాగే వర్క్ చేస్తున్నాడేమో చూడాలి..!
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
