విజయ్ దేవరకొండ – రష్మిక మందన పెళ్లి జరుగుతుందని అందరూ మాట్లాడుకుంటున్నారు. ఆఖరికి విజయ్, రష్మిక టీమ్ కూడా మాట్లాడుతుంది. కానీ విజయ్, రష్మిక మాత్రం మాట్లాడటం లేదు. ఎందుకు మాట్లాడటం లేదు అనే విషయంలో వారి లెక్కలు వారికి ఉండొచ్చు. అయితే ఇప్పుడు వారి వెడ్డింగ్ రిసెప్షన్ ఇన్విటేషన్ అంటూ ఒక ఫొటో సోషల్ మీడియాలో చక్కర్లు కొడుతోంది. అది ఎంతవరకు నిజమో తెలియదు కానీ.. రిసెప్షన్ డేట్ అయితే మార్చి 4. తాజ్ కృష్ణలో ఈ రిసెప్షన్ పెడుతున్నారు.
విజయ్ దేవరకొండ – రష్మిక మందన ప్రేమలో ఉన్నారని, పెళ్లి చేసుకోబోతున్నారన్నది బహిరంగ రహస్యమే. కొన్నేళ్లుగా వీళ్ల ప్రేమ కథ నడుస్తోంది. మీడియా ముందు మాత్రం ఆ ప్రశ్న వచ్చేలా చేసి సమాధానం ఇవ్వడం లేదు. ‘పెళ్లెప్పుడు’ అని అడిగితే ముసి ముసి నవ్వులు నవ్వేవారు. ఎంగేజ్మెంట్ అయిపోయింది అని హింట్లు, లీకులు ఇచ్చారు. ఎవరైనా కంగ్రాట్స్ చెబితే ‘ఎందుకు ఏమైంది’ అని అడిగేవారు. ఒకరినొకరు ముద్దుపేర్లతో పిలుచుకున్నా, కలసి ట్రిప్లకు వెళ్లినా చెప్పేవారు కాదు. అయితే వీటిని ఈ నెల 26 స్టాప్ పడనుంది. ఎందుకంటే ఆ రోజే పెళ్లి అని చెబుతున్నారు.
ఆ విషయం వదిలేస్తే ఇటీవల రష్మిక మందన – విజయ్ దేవరకొండ ముంబయి వెళ్లారు. ఎందుకు అని అడగొద్దు. ఎందుకంటే వారు చెప్పరు కాబట్టి. ఇక్కడ విషయం అది కాదు కూడా. ముంబయి వెళ్లినప్పుడు ఇద్దరి డ్రెస్ కాంబినేషన్ ఇప్పుడు వైరల్గా మారింది. ఆదివారం రాత్రి విజయ్, రష్మిక ముంబయి ఎయిర్ పోర్టులో కనిపించారు. రష్మిక బ్రౌన్ కలర్ టాప్, బ్లాక్ బాటమ్ వేసుకోగా.. విజయ్ బ్లాక్ టాప్, బ్రౌన్ బాటమ్ వేసుకున్నాడు. దీంతో ఇలా మ్యాచ్ చేస్తున్నారా అనే కామెంట్స్ వినిపించాయి.
కొంతమంది సెలబ్రిటీలను పెళ్లికి ఆహ్వానించేందుకు ఇద్దరూ కలసి ముంబయి వెళ్లినట్లు తెలుస్తోంది. విజయ్ ఇటీవల తెలంగాణ సీఎం రేవంత్ రెడ్డిని కలిశారు. తన పెళ్లికి పిలిచేందుకు కలిసినట్లు సమాచారం. ఆ ఫొటోలు సోషల్ మీడియాలో వైరల్గా మారాయి. మరి టాలీవుడ్ పెళ్లి చూపులు ఎప్పుడు అనేది చూడాలి. అప్పుడు మరిన్ని వివరాలు లీకులవుతాయి.
