అభినేత్రి సావిత్రి నటనను అనేక సినిమాల్లో చూసి ఆనందించాం. అనేక మంది స్ఫూర్తి పొందారు. ఆమె నుంచి పరోక్షంగా అభినయంలో శిక్షణ పొందారు. నాటి, నేటి హీరోయిన్స్ లో సావిత్రికి ఏకలవ్య శిష్యులు ఎంతోమంది ఉన్నారు. అటువంటి మహానటి జీవితంలోని రెండో వైపు కోణాన్ని మనం త్వరలో చూడబోతున్నాం. యువ దర్శకుడు నాగ్‌ అశ్విన్‌ ఈ చిత్రాన్ని తెరకెక్కిస్తున్నారు. వైజయంతి మూవీస్‌ బ్యానర్‌పై నిర్మితమవుతున్న ఈ మూవీలో కీర్తిసురేష్‌ టైటిల్‌ రోల్ పోషిస్తుండగా, సమంత కీలక పాత్రలో కనిపించనున్నారు. సావిత్రి సినీ కెరీర్‌కు సంబంధించి ఆమె అప్పటి అగ్ర కథానాయకులందరితోనూ నటించారు. దీంతో ఆయా పాత్రలను ఇప్పుడు ఎవరెవరు పోషిస్తారనే దానిపై ఆసక్తి నెలకొంది.
జెమినీ గణేషన్‌ పాత్రకు యువ నటుడు దుల్కర్‌ సల్మాన్‌ను చిత్ర బృందం ఎంపిక చేసిన సంగతి తెలిసిందే. మాయాబజార్ డైరక్టర్ కేవీ రెడ్డి గా క్రిష్‌ నటిస్తున్నట్లు ప్రకటించింది. ఇక యువ క్రేజీ హీరో విజయ్ దేవకొండ ఈ పాత్రను పోషించనున్నారు అనేది రీసెంట్ గా బయటికి వచ్చింది. దాదా సాహెబ్ పాల్కే అవార్డు గ్రహీత అక్కినేని నాగేశ్వర రావు పాత్రలో విజయ్ కనిపించనున్నట్లు సమాచారం. నాగ అశ్విన్‌, విజయ్ కు తన “ఎవడే సుబ్రహ్మణ్యం” లో మంచి రోల్ ఇచ్చారు. మరో సారి అద్భుతమైన క్యారెక్టర్ ఇచ్చారు.
