స్టార్ హీరో అయ్యాక ఆ స్టేటస్‌ను ఎంజాయ్‌ చేయడం సహజం. అన్నాళ్ల కష్టాన్ని మరచిపోతూ.. స్టార్ హోదాను ఎంజాయ్‌ చేస్తుంటారు హీరోలు. అయితే ఈ క్రమంలో తమను ఆ స్థాయికి తీసుకొచ్చిన వారి కోసం ఆలోచిస్తుంటారు. అలాంటివారిలో విజయ్ దేవరకొండ ఒకరు. యువతలో మంచి క్రేజ్‌ సంపాదించుకున్న విజయ్ దేవరకొండ క్రిస్మస్‌ను పురస్కరించుకుని ఏటా బహుమతులు అందిస్తున్నారు. ఐదేళ్లుగా ఫ్యాన్స్‌కు దేవరశాంటా పేరుతో ఈ పని చేస్తున్న విజయ్.. ఈ ఏడాది కూడా అనౌన్స్‌ చేశాడు. సోషల్‌ మీడియా వేదికగా వాటిని వెల్లడించాడు.
ఒక్కో ఏడాది ఒక్కో కాన్సెప్ట్‌తో అభిమానుల నుండి వారికేం కావాలో తెలుసుకుంటూ ఉంటాడు. అభిమానుల నుండి సమాధానాలు తీసుకొని, వారిలోంచి కొందరిని ఎంపిక చేసి గిఫ్ట్స్‌ అందిస్తుంటాడు. అలా ఈ సంవత్సరం కూడా హాలీడే ట్రిప్‌ ప్లాన్‌ చేశాడు. ఈ మేరకు సోషల్‌ మీడియాలో ఓ పోస్ట్‌ చేశాడు. ‘‘మీలోని వంద మందిని హాలీడే ట్రిప్‌కు పంపించాలనుకుంటున్నా. ఎక్కడకు తీసుకెళ్లాలో ఎంచుకోవడంలో సాయం చేయండి’’ అంటూ కొన్ని ఆప్షన్లు ఇచ్చాడు. దాంతోపాటు భారత్‌లోని పర్వతాలు, చారిత్రక ప్రదేశాలు, బీచ్‌లు, ఎడారిని సూచించారు.
విజయ్ చెప్పిన ఆప్షన్లకు అభిమానులు స్పందిస్తున్నారు. ఎక్కువమంది పర్వతాలు చుట్టివచ్చేందుకే ఆసక్తి చూపించారు. మరి విజయ్ ఏ మేరకు నిర్ణయం తీసుకుంటారో చూడాలి. తొలుత చెప్పినట్లుగా సంబంధిత ట్వీట్‌కు వచ్చిన రిప్లైల ఆధారంగా విజయ్ ఓ 100 మందిని ఎంపిక చేసి, తన ఖర్చులతో విహారయాత్రకు పంపిస్తాడు. గతంలో కరోనా పాండమిక్ టైమ్‌లో తన ఫౌండేషన్ ద్వారా దాదాపు 1700 మందికిపైగా కుటుంబాలకు సాయం చేశాడు.
విజయ్ సినిమాల విషయానికొస్తే.. ప్రస్తుతం సమంతతో ‘ఖుషి’ సినిమాలో నటిస్తున్నాడు. శివ నిర్వాణ దర్శకత్వంలో మైత్రీ మూవీ మేకర్స్ ఈ చిత్రాన్ని నిర్మిస్తోంది. ఇప్పటికే కొన్ని షెడ్యూల్స్ పూర్తిచేసుకున్న ఈ సినిమా సమంత అనారోగ్యం కారణంగా నిలిచిపోయింది. కాగా కొత్త సంవత్సరంలో విజయ్ దేవరకొండ తన ఫ్యూచర్ ప్రాజెక్టుల గురించి వెల్లడించే అవకాశం ఉంది.
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
Home