రవితేజ బ్లాక్ బస్టర్ మూవీకి సీక్వెల్ గా విజయ్ ఫైటర్?

విజయ్ దేవరకొండ పూరి జగన్నాధ్ మూవీ సెకండ్ షెడ్యూల్ మొదలైంది. తాజా షెడ్యూల్ నందు బాలీవుడ్ బ్యూటీ అనన్య పాండే షూటింగ్ లో జాయిన్ అయ్యింది. ఇటీవలే ముంబై వేదికగా ఫస్ట్ షెడ్యూల్ పూర్తి చేసిన చిత్ర బృందం సెకండ్ షెడ్యూల్ స్టార్ట్ చేశారు. తెలుగు మరియు హిందీలో విడుదల కానున్న ఈ చిత్రంలో విజయ్ ప్రొఫెషనల్ ఫైటర్ గా కనిపించనుండగా, బాలీవుడ్ నిర్మాత కరణ్ జోహార్ మరియు ఛార్మి సంయుక్తంగా నిర్మిస్తున్నారు. ఐతే ఈ మూవీపై ఆసక్తికర వార్త బయటికి వచ్చింది.

ఫైటర్ అనే టైటిల్ పరిశీలనలో ఉన్న ఈ చిత్రం రవి తేజ సినిమాకు సీక్వెల్ గా తెరకెక్కుతోందట. 2003లో రవితేజ హీరోగా పూరి తెరకెక్కించిన ‘అమ్మ నాన్న ఓ తమిళ అమ్మాయి’ సినిమాలో రవితేజ కిక్ బాక్సర్ రోల్ చేశారు. స్పోర్ట్స్ బ్యాక్ డ్రాప్ తో కూడిన మదర్ అండ్ ఫాదర్ సెంటిమెంట్ తో తెరకెక్కిన ఆ చిత్రం బంపర్ హిట్ సాధించింది. దర్శకుడు పూరి మరియు హీరో రవితేజలను ఇండస్ట్రీలో స్ట్రాంగ్ పొజిషన్ కి తీసుకెళ్లిన సినిమా అది. ఇక పూరి ప్రస్తుతం విజయ్ దేవరకొండతో చేస్తున్న మూవీలో కూడా అమ్మ నాన్న ఓ తమిళ అమ్మాయి మూవీ షేడ్స్ కలిగి ఉంటాయట. ఓ విధంగా చెప్పాలంటే దానికి ఈ చిత్రం సీక్వెల్ అని చెప్పుకోవచ్చు అంటున్నారు. ఇక పూరి ప్రతి చిత్రంపై గత చిత్రాల ప్రభావం ఉంటుంది. పోకిరి ఇండస్ట్రీ హిట్ కొట్టాక పూరి నుండి వచ్చిన ప్రతి సినిమా అదే షేడ్స్ లో తెరకెక్కింది. కాబట్టి ఫైటర్ రవితేజ హిట్ మూవీకి సీక్వెల్ అని వస్తున్న వార్తలను కొట్టిపారేయలేం.

Most Recommended Video

వరల్డ్ ఫేమస్ లవర్ సినిమా రివ్యూ & రేటింగ్!
పవన్ కళ్యాణ్ రీమేక్ చేసిన 11 సినిమాల
ఒక చిన్న విరామం సినిమా రివ్యూ & రేటింగ్!