‘లైగర్‌’ సినిమా పరాజయం తర్వాత వెంటనే మరో సినిమా విడుదల చేసి కోలుకుందాం, అభిమానులకు ఆనందాన్నిద్దాం అనుకున్న విజయ్ దేవరకొండకు ఆ అవకాశం దక్కలేదు. దెబ్బ మీద దెబ్బ అన్నట్లుగా ‘లైగర్‌’ పరాజయం ఒకవైపు అయితే, మరోవైపు ‘ఖుషి’ సినిమా తాత్కాలికంగా ఆగిపోవడం ఒకటి. ఈ లాంగ్‌ గ్యాప్‌పై ఇన్నాళ్లూ మౌనంగా ఉన్న విజయ్ దేవరకొండ ఇప్పుడు రియాక్ట్‌ అయ్యారని సమాచారం. ఏదో విషయం తేల్చండి అని అడుగుతున్నారట. మైత్రి మూవీ మేకర్స్ నిర్మాణంలో విజయ్ దేవరకొండ – సమంత ప్రధాన పాత్రల్లో ‘ఖుషి’ అనే సినిమా తెరకెక్కుతున్న విషయం తెలిసిందే.
శివ నిర్వాణ దర్శకత్వంలో రూపొందుతున్న ఈ సినిమా.. సమంత అనారోగ్యంతో ఆగిపోయింది. ఎప్పుడు తిరిగి షూటింగ్‌ మొదలుపెడతారు అనే విషయంలో క్లారిటీ రావడం లేదు. సమంత తిరిగి కోలుకొని వస్తే కానీ షూట్‌ మొదలవ్వదు అనేది తెలిసిందే. అయితే సమంత ఇంత త్వరగా వచ్చే పరిస్థితి కనిపించడం లేదు. ఒకవేళ ఆమె కోలుకున్నా తొలి ప్రాధాన్యం ‘శాకుంతలం’ సినిమాకు ఇస్తుంది అనేది ఎవరైనా చెప్పగలరు.
ఎందుకంటే ఆ సినిమా విడుదల తేదీ దగ్గర పడుతోంది. ఈ నేపథ్యంలో విదేశాల్లో ఉన్న సమంత త్వరలో హైదరాబాద్‌ వచ్చి ఆ సినిమా షూట్‌ మొదలుపెడుతుంది అంటున్నారు. ఆ తర్వాత బాలీవుడ్‌ ప్రాజెక్ట్‌, ‘ఖుషి’ రెండూ బ్యాలెన్స్‌ చేసేలా ప్రయత్నాలు చేస్తోందట. ఇక విజయ్ వైపు నుండి చూస్తే ఇప్పటికే రెండు నెలలపైనే బ్రేక్ వచ్చేసింది. దీంతో కచ్చితంగా ఫిబ్రవరిలో సినిమా మొదలుపెడతారా లేదా చెప్పండి.. లేదంటే నేను తర్వాతి సినిమా షురూ చేస్తా అని విజయ్ అంటున్నాడు.
గౌతమ్‌ తిన్ననూరి దర్శకత్వంలో విజయ్ ఓ సినిమా ఇటీవల అనౌన్స్‌ అయిన విషయం తెలిసిందే. విజయ్ ఇప్పుడు ఆ సినిమా గురించే కంగారు పెడుతున్నారని టాక్‌. అయితే మరి మైత్రీ మూవీ మేకర్స్ టీమ్‌ ఏమంటుంది అనేది చూడాలి. దాని బట్టే విజయ్ కొత్త సినిమా ఆధారపడి ఉంటుంది అని చెప్పొచ్చు.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
