Vijay: విజయ్ సినిమా క్రేజ్ చూశారా..?

స్టార్ హీరో సినిమా రిలీజ్ అవుతుందంటే చాలు.. రెండు వారాల ముందు నుంచే అడ్వాన్స్ బుకింగ్స్ ఓపెన్ చేసేస్తారు. టికెట్స్ ఓ రేంజ్ లో అమ్ముడవుతుంటాయి. కానీ సినిమా నిర్మాణం స్టార్ట్ అవ్వకుండా, అసలు రిలీజ్ డేట్ ఎప్పుడో తెలియకుండా ఫ్యాన్స్ అసోసియేషన్స్ టికెట్స్ కొనడం షాకింగ్ గా ఉంది. స్టార్ హీరో విజయ్.. లోకేష్ కనగరాజ్ దర్శకత్వంలో ఓ సినిమా చేస్తోన్న సంగతి తెలిసిందే. దీనికి ‘లియో’ అనే టైటిల్ ఫైనల్ చేశారు.

టైటిల్ ను అనౌన్స్ చేస్తూ.. ఒక చిన్న వీడియోను కూడా రిలీజ్ చేసింది చిత్రబృందం. ఇదిలా ఉండగా.. అప్పుడే ఈ సినిమా బుకింగ్స్ మొదలుపెట్టేశారు. కేరళలో అలపుజ్జా జిల్లా కేంద్రంలో లియో పేరుని ప్రకటించడానికి కొన్ని గంటల ముందే బెనిఫిట్ షో టికెట్లు అమ్మకానికి పెడితే.. అవి వెంటనే అమ్ముడైపోయాయి. ఈ సినిమాను దీపావళికి రిలీజ్ చేస్తామని కన్ఫర్మ్ చేశారు. కానీ రిలీజ్ డేట్ లో క్లారిటీ లేదు. అయితే అలపుజ్జాలో మొదటి ఆట ఏ టైంకి పడినా..

దాని తాలూకు టికెట్లకు ఈ రిజర్వేషన్ వర్తిస్తుందట. ధర వెయ్యి రూపాయల నుంచి రెండు వేల రూపాయల మధ్యలో పలికినట్టు సమాచారం. ఇది కొంచెం అతిగా అనిపించినా తమిళ హీరోల మీద పిచ్చి ఏ స్థాయిలో ఉంటుందో చెప్పడానికి ఇదొక నిదర్శనం. పైగా ఈ మధ్యకాలంలో కోలీవుడ్ లో విజయ్, అజిత్ ఫ్యాన్స్ మధ్య వార్ జరుగుతుండడంతో.. తమ హీరో సినిమాకి హైప్ తీసుకొచ్చేలా విజయ్ ఫ్యాన్స్ ఇలా 8 నెలల ముందే టికెట్స్ కొనేశారు.

ఇక ఈ సినిమా దర్శకుడు లోకేష్ సినిమాటిక్ యునివర్స్ లో ఒక భాగమని అంటున్నారు. భారీ బడ్జెట్ తో పాన్ ఇండియా లెవెల్ లో సినిమాను నిర్మిస్తున్నారు. ఇందులో విజయ్ సరసన త్రిష హీరోయిన్ గా కనిపించనుంది. అలానే బాలీవుడ్ నటుడు సంజయ్ దత్ విలన్ రోల్ లో కనిపించనున్నారని సమాచారం. అలానే పృథ్వీరాజ్ సుకుమారన్, నివిన్ పాలీ, గౌతమ్ మీనన్ లాంటి నటులు ఈ సినిమాలో కనిపించనున్నారని టాక్.

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!