మాస్టర్ 150.. ప్లాప్ టాక్ వచ్చినా తగ్గట్లేదు

మాస్టర్ సినిమాతో తలపతి విజయ్ బాక్సాఫీస్ వద్ద మరో పవర్ఫుల్ రికార్డును అందుకున్నాడు. కరోనా కష్ట కాలంలో అసలు జనాలు థియేటర్స్ వరకు రావడం చాలా కష్టమని అనుకుంటున్న తరుణంలో మాస్టర్ కేవలం 50% ఆక్యుపెన్సీ తో సాలీడ్ కలెక్షన్స్ అందుకుంది. మొదటి రోజే ఈ సినిమాకు నెగిటివ్ టాక్ రావడం కొంత వైరల్ అయ్యింది. రివ్యూలు కూడా నెగిటివ్ గా వచ్చాయి. ఇక సోషల్ మీడియాలో అయితే మాస్టర్ ప్లాప్ అనే ట్యాగ్ బాగా ట్రెండ్ అయ్యింది.

ఇవన్నీ ఉన్నా కూడా మాస్టర్ కలెక్షన్స్ పై పెద్దగా ప్రభావం పడలేదు. మొత్తానికి సినిమా 150కోట్ల మార్క్ ను దాటేసింది. ఆరు రోజుల్లోనే అత్యదిక కలెక్షన్స్ అందుకున్న సినిమాల్లో స్థానం సంపాదించుకుంది. దాదాపు సినిమాకి పెట్టిన పెట్టుబడి వెనక్కి వచ్చినట్లు తెలుస్తోంది. ఇక తెలుగు రాష్ట్రాల్లో విజయ్ కెరీర్ లో మొదటిసారి అత్యదిక ఓపెనింగ్స్ అందుకున్నాడు. ఆరు రోజులకు తెలుగులో 12.49కోట్లను అందుకుంది.

మొదటి రోజే నెగిటివ్ టాక్ రావడంతో రెండవరోజు నుంచే కలెక్షన్స్ దారుణంగా పడిపోయాయి. ఆదివారం వరకు ఒక కోటి వరకు లాగుతూ వచ్చిన మాస్టర్ సోమవారినికి 70లక్షలకు వచ్చేశాడు. మరి ఈ వారంలో మొత్తం ఎంత వస్తుందో చూడాలి.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!