Vijay Sethupathi, Balakrishna: పవర్ ఫుల్ విలన్ ని సెట్ చేసిన గోపీచంద్!

నందమూరి బాలకృష్ణ వరుస సినిమాలు ఒప్పుకుంటూ యంగ్ హీరోలతో పోటీగా సినిమాలు చేస్తున్నారు. ప్రస్తుతం బోయపాటి దర్శకత్వంలో ‘అఖండ’ సినిమాను పూర్తి చేసే పనిలో పడ్డారు. ఈ సినిమా షూటింగ్ చివరి దశలో ఉంది. నిజానికి మే నెలలోనే ఈ సినిమా ప్రేక్షకుల ముందుకు రావాల్సివుంది కానీ కరోనా కారణంగా వాయిదా పడింది. ఇప్పుడు దసరాకు సినిమాను విడుదల చేస్తారని అంటున్నారు. ఈ సినిమా తరువాత గోపీచంద్ మలినేనితో కొత్త సినిమా మొదలుపెట్టబోతున్నారు బాలయ్య.

ఈ ఏడాది ‘క్రాక్’ సినిమాతో భారీ విజయాన్ని అందుకున్న గోపీచంద్ మలినేని మరోసారి రియల్ ఇన్సిడెంట్స్ ఆధారంగా చేసుకొని బాలయ్యతో సినిమా చేయబోతున్నారు. వచ్చే నెల నుండి ఈ సినిమా షూటింగ్ మొదలుకానుంది. ఈ సినిమాలో కీలకపాత్ర కోసం వరలక్ష్మి శరత్ కుమార్ ను ఎంపిక చేసుకున్నట్లు సమాచారం. అయితే ఇప్పుడు విలన్ పాత్ర కోసం మరో టాలెంటెడ్ నటుడిని రంగంలోకి దింపుతున్నారట. కోలీవుడ్ స్టార్ హీరో విజయ్ సేతుపతి ఈ మధ్యకాలంలో తెలుగు సినిమాల్లో కూడా నటిస్తున్నారు.

‘ఉప్పెన’ సినిమాలో విలన్ పాత్రలో అలరించిన విజయ్ సేతుపతిని ఇప్పుడు బాలయ్య సినిమాలో విలన్ గా చూపించాలనుకుంటున్నారు. ప్రస్తుతం దీనికి సంబంధించిన చర్చలు జరుగుతున్నాయి. విజయ్ సేతుపతి తన కాల్షీట్స్ ను అడ్జస్ట్ చేసే పనిలో పడ్డారు. ఇక హీరోయిన్ గా చాలా మందిని సంప్రదించినప్పటికీ ఎవరూ ఫైనల్ కాలేదు. మైత్రి మూవీ మేకర్స్ బ్యానర్ పై ఈ సినిమాను నిర్మించనున్నారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!