Vijay, Dil Raju, Vamshi Paidipally: ‘తలపతి 66’ అనౌన్స్మెంట్ వచ్చేసింది!

September 27, 2021 / 06:07 AM ISTByFilmy Focus

Join Us

Vijay, Dil Raju, Vamshi Paidipally: ‘తలపతి 66’ అనౌన్స్మెంట్ వచ్చేసింది!

టాలీవుడ్ టాప్ ప్రొడ్యూసర్ దిల్ రాజు ఇప్పుడు పాన్ ఇండియా ప్రాజెక్ట్ ల మీద దృష్టిపెట్టారు. రామ్ చరణ్-శంకర్ సినిమాతో దిల్ రాజు తన సత్తా చాటడానికి సిద్ధమవుతున్నారు. అయితే ఇప్పుడు అలాంటి మరో క్రేజీ కంబోను కూడా దిల్ రాజు సెట్ చేశారు. ఈ ప్రాజెక్ట్ కి సంబంధించి గతంలో రూమర్లు వచ్చాయి. వంశీ పైడిపల్లి దర్శకత్వంలో విజయ్ హీరోగా రాబోతున్న సినిమాను దిల్ రాజు నిర్మించబోతున్నట్లు వార్తలు వచ్చాయి. ఈ విషయాన్ని రీసెంట్ గా వంశీ పైడిపల్లి తెలిపారు.

తాజాగా ఈ సినిమాకి సంబంధించిన అఫీషియల్ అనౌన్స్మెంట్ వచ్చేసింది. నిజానికి వంశీ పైడిపల్లి ‘మహర్షి’ సినిమా తరువాత మహేష్ బాబుతోనే సినిమా అనుకున్నారు. కానీ ఆ ప్రాజెక్ట్ సెట్ అవ్వలేదు. ఇప్పుడు మహేష్ కోసం అనుకున్న కథనే విజయ్ ని హీరోగా పెట్టి తీయబోతున్నారు. ఈ సినిమాను దిల్ రాజు నిర్మించబోతున్నారు. తలపతి 66వ చిత్రంగా రాబోతున్న ఈ ప్రాజెక్ట్ ను తమిళ, తెలుగు భాషల్లో తెరకెక్కించనున్నట్లు తెలుస్తోంది. ”ఈ అప్డేట్ ను అధికారికంగా చెప్పాలని చాలా రోజులుగా ఎదురుచూస్తున్నాం.

ఇది మాకు ఎంతో గర్వంగా ఉంది. తలపతి 66 సినిమాను మేం నిర్మించడం మాకు ఎంతో ప్రతిష్టాత్మకం” అని శ్రీ వెంకటేశ్వర క్రియేషన్స్ పేర్కొంది. ఈ సందర్భంగా.. దిల్ రాజు, విజయ్, వంశీ పైడిపల్లి కలిసి తీసుకున్న ఫోటోను పోస్ట్ చేశారు.