డైరెక్టర్ విక్ర‌మ్ కె.కుమార్‌ కోటిన్నర ఫైన్ కట్టబోతున్నాడు!

సినీ పరిశ్రమలో ఒకసారి ఒక డైరెక్టర్ మంచి హిట్ ఇస్తే ప్రొడ్యూసర్స్ అడ్వాన్స్ ఇచ్చి ఆ డైరెక్టర్ తో సినిమా ఒకటి చేయాలనీ ఫిక్స్ చేసుకోవడం ఒకవేళ అడ్వాన్స్ ఇచ్చిన తరువాత ఆ సినిమా చేయడం కుదరకపోతే తీసుకున్న అడ్వాన్స్ తో పాటు పెనాల్టీ కూడా కట్టాల్సి ఉంటుంది. ఇలాంటి సమస్యలోనే డైరెక్టర్ విక్ర‌మ్ కె.కుమార్‌ కూడా చిక్కుకున్నాడు అంటా. ఇదే విషయం పైన సినీ పెద్దల సమక్షంలో చర్చలు జరుగగా వారు ఆ ప్రొడ్యూసర్ కి కోటిన్నర చెల్లించాల్సిందే అని తేల్చేశారట. ఇప్పుడు విక్ర‌మ్ కె.కుమార్‌ ఏ సినిమా చేసిన ఆ సినిమా అడ్వాన్స్ అంత కూడా ఆ ప్రొడ్యూసర్ కి వెళ్లనుంది అని అంటున్నారు.

ఇక విషయంలోకి వెళితే, విక్ర‌మ్ కె.కుమార్‌ కెరియర్ మొదట్లో మంచి హిట్ సినిమాలు ఇవ్వడంతో, ఇష్క్ సినిమా తరువాత చాలా క్రేజ్ రావడంతో అశ్వినీదత్ బ్యానర్ లో ఒక సినిమా చేయడానికి ఆయన అడ్వాన్స్ ఇవ్వగా ఆ సినిమా కాకుండా వేరే బ్యానర్ లో ‘మనం’ సినిమా ఆ తరువాత ’24’ వంటి సినిమాలు వచ్చాయి. ఇలా వేరే బ్యానర్ లో సినిమాలు రావడం వైజయింతి బ్యానర్ లో ఏ సినిమా చేస్తాడనేది రోజు రోజుకి ప్రశ్నగా మారడంతో, నిర్మాత అశ్వినిదత్ కి విక్ర‌మ్ కె.కుమార్‌ కి మధ్య వాదనలు చాలా రోజుల నుండి జరుగగా చివరకి సినీ పెద్దల దగ్గరికి రావడం వారు డైరెక్టర్ విక్ర‌మ్ కె.కుమార్‌ కి కోటిన్నర ఫైన్ వేయడం జరిగిందట. ఇక ఈ డైరెక్టర్ ఎవరితోనైనా సినిమా తీసుకోవచ్చు కానీ ఆ సినిమాకి సంబంధించి వచ్చిన డబ్బులో కోటిన్నర అశ్వినీదత్ కి ఇవ్వాలని నిర్ణయం చేసారని చెబుతున్నారు.