మహేష్ (Mahesh Babu) రాజమౌళి (S. S. Rajamouli) కాంబినేషన్ లో తెరకెక్కుతున్న సినిమా అంతకంతకూ ఆలస్యమవుతూ ఉండటం ఫ్యాన్స్ కు ఒకింత నిరాశకు గురి చేస్తోంది. మహేష్ జక్కన్న మూవీలో విలన్ ఫిక్స్ అయ్యారని పృథ్వీరాజ్ సుకుమారన్ (Prithviraj Sukumaran) ఈ సినిమాలో విలన్ గా కనిపిస్తారని సమాచారం అందుతోంది. అధికారికంగా ఎలాంటి క్లారిటీ లేకపోయినా సోషల్ మీడియాలో మాత్రం ఈ వార్త జోరుగా ప్రచారంలోకి వస్తుండటం గమనార్హం. పృథ్వీరాజ్ సుకుమారన్ కు భాషతో సంబంధం లేకుండా క్రేజ్ ఉంది.
పృథ్వీరాజ్ సుకుమారన్ విలన్ గా నటిస్తే మాత్రం మహేష్ సినిమా ఇండస్ట్రీ హిట్ కావడం పక్కా అని అభిప్రాయాలు వ్యక్తమవుతున్నాయి. సలార్ సినిమాలో పృథ్వీరాజ్ సుకుమారన్ నటనకు మంచి మార్కులు పడటంతో రాజమౌళి ఈ నిర్ణయం తీసుకున్నారని భోగట్టా. అయితే రాజమౌళి అడిగినన్ని డేట్లు కేటాయించడం పృథ్వీరాజ్ సుకుమారన్ కు సాధ్యమవుతుందా అనే ప్రశ్నలు వ్యక్తమవుతున్నాయి. పృథ్వీరాజ్ సుకుమారన్ తన డేట్లు కేటాయించలేక ఇప్పటికే ఎన్నో క్రేజీ ఆఫర్లను మిస్ చేసుకున్న సంగతి తెలిసిందే.
రాజమౌళి మహేష్ సినిమాను విజువల్ వండర్ గా తెరకెక్కించనున్నారని సమాచారం అందుతోంది. రాజమౌళి మహేష్ పుట్టినరోజున అయినా ఈ సినిమాకు సంబంధించి ఆసక్తికర అప్ డేట్స్ ఇస్తారేమో చూడాలి. మహేష్ జక్కన్న కాంబో బాక్సాఫీస్ ను షేక్ చేయాలని ఫ్యాన్స్ భావిస్తున్నారు. మహేష్ జక్కన్న కాంబో మూవీ 1000 కోట్ల రూపాయల కంటే ఎక్కువ మొత్తం బడ్జెట్ తో తెరకెక్కుతున్న నేపథ్యంలో బిజినెస్ పరంగా కూడా ఈ సినిమా సంచలనాలు క్రియేట్ చేసే ఛాన్స్ అయితే ఉంది.
మహేష్ రాజమౌళి కాంబో మూవీ బాక్సాఫీస్ ను నెక్స్ట్ లెవెల్ లో షేక్ చేయడం ఖాయమని నెటిజన్ల నుంచి అభిప్రాయాలు వ్యక్తమవుతున్నాయి. మహేష్ కెరీర్ పరంగా అంతకంతకూ ఎదుగుతున్నారు. మహేష్ ను అభిమానించే ఫ్యాన్స్ సంఖ్య పెరుగుతుండటం గమనార్హం.
