బాలీవుడ్‌లో ట్రెండింగ్‌లో హిలేరిస్‌ మెసేజ్‌

సినిమాలు – సెంటిమెంట్లు… వీటి మధ్య విడదీయరాని బంధం ఉంది. మన సినిమా వాళ్లు సెంటిమెంట్లను ఎక్కువగా నమ్ముతారు. అలాగే అభిమానులు కూడా సినిమాల విషయంలో సెంటిమెంట్లను ఎక్కువగా నమ్ముతుంటారు. తాజాగా అలాంటి ఓ సెంటిమెంటల్‌ వైరల్‌ జోక్‌ ఇప్పుడు సోషల్‌ మీడియాలో వైరల్‌గా మారింది. ఆ జోక్‌ గనుక నిజమైతే… ‘ధూమ్‌ 4’లో నటించడానికి ఎవరూ ముందుకు రారేమో. బాలీవుడ్‌ మిస్టర్‌ పర్‌ఫెక్షనిస్ట్‌ ఆమీర్‌ ఖాన్‌- కిరణ్‌రావ్‌కు ఇటీవల విడిపోయిన విషయం తెలిసిందే.

15 ఏళ్ల వివాహ బంధానికి స్వస్తి పలికారు. దానికి ‘ధూమ్‌’కి ఏం సంబంధం అనేగా మీ డౌట్‌. ఇప్పుడు ‘ధూమ్‌’ నుండి చూసుకుంటూ వద్దాం. ‘ధూమ్‌’లో విలన్‌గా జాన్‌ అబ్రహం నటించాడు. ఆ సమయంలో బిపాసా బసుతో ప్రేమలో ఉండేవాడట. అయితే ఆ సినిమా తర్వాత కొన్నాళ్లు ఇద్దరూ విడిపోయారు. ఇక ‘ధూమ్‌ 2’లో విలన్‌గా నటించిన హృతిక్‌ రోషన్‌.. కొన్నాళ్లకు భార్య సుసానె ఖాన్‌తో వివాహ బంధాన్ని ముగించాడు.

ఇప్పుడు అర్థమైందా… ‘ధూమ్‌’కి ఆమీర్‌ ఖాన్‌కి సంబంధం ఏంటో. ‘ధూమ్‌ 3’లో ఆమీర్‌ విలన్‌గా నటించిన విషయం తెలిసిందే. ఆ సినిమా వచ్చిన ఇన్నేళ్ల తర్వాత విడాకులు అయిపోయాయి. దీంతో ‘ధూమ్‌ 4’లో విలన్‌గా నటించడానికి ఎవరూ ముందుకు రారేమో అని జోక్‌ ఒకటి బయట తిరుగుతోంది. ఒకవేళ వచ్చినా… ఎలాంటి రిలేషన్‌లో లేని వాడు ఉండాలి. అలాంటివాడు బాలీవుడ్‌లోనే కాదు, మొత్తం సినీ పరిశ్రమలో ఎవరూ ఉండరు.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!