లోకనాయకుడు కమల్ హాసన్ నటిస్తున్న తాజా కామెడీ డ్రామా చిత్రం ‘శభాష్ నాయుడు’. ఈ చిత్రంలో కమల్, మొదటి సారి తన ఇద్దరు కూతుర్లు శృతి హాసన్, అక్షర హాసన్ లతో కలిసి పనిచేయనున్నాడు. శృతి ఈ చిత్రంలో కమల్ కూతురి పాత్ర పోషిస్తుండగా.. అక్షర ఈ చిత్రానికి అసిస్టెంట్ డైరెక్టర్ గా పనిచేస్తోంది. మరోవైపు ఈ చిత్ర మొదటి షెడ్యూల్ అమెరికాలో మొదలు కానుండగా..ఈ షెడ్యూల్ రెండు వారాల పాటు ఆలస్యం కానుందని సమాచారం.
ఈ చిత్ర బృందంలోని పలువురికి ఇస్లామిక్ పేర్లు ఉండటంతో..ఇమ్మిగ్రేషన్ అధికారులు వారికి వీసా ను ఇవ్వడానికి నిరాకరించారని కోలీవుడ్ వర్గాలు అంటున్నాయి. తెలుగు, తమిళ, హిందీ భాషల్లో తెరకెక్కనున్న ఈ చిత్రానికి టి రాజీవ్ కుమార్ దర్శకత్వం వహిస్తున్నాడు. లైకా ప్రొడక్షన్, కమల్ హాసన్ సంయుక్తంగా నిర్మిస్తున్న ఈ చిత్రం డిసెంబర్ 1 న ప్రేక్షకుల ముందుకు రానుంది.
