గణతంత్య్ర దినోత్సవాన ‘లక్’ చెక్ చేసుకోనున్న విష్ణు

‘లక్’ ఎలా ఉందో తెలుసుకోడానికి ఓ ముహూర్త కూడా ఉంటుందా? అంటే.. మిగిలినవారి మాటేమిటో గానీ సినిమా వాళ్ళకి ఖచ్చితంగా ఉంటుందనే చెప్పాలి. సినిమా విడుదల రోజే అది తెలిసొస్తుంది. నెలల పాటు పడ్డ కష్టానికి, ఖర్చుచేసిన ప్రతి రూపాయికి ఫలితం ఆ రోజే. హిట్ పడితే గేర్ ముందుకు పడ్డట్టే. లేదంటే బండి నెమ్మదిస్తుంది. కొన్నిసార్లు ఉన్నపళంగా ఆగిపోతుంది కూడా. ఇక అసలు విషయానికొస్తే…

మంచు విష్ణు కెరీర్ లో బిగ్గెస్ట్ హిట్ అయిన రెడీ తర్వాత అతడికి మరో విజయం లేనే లేదు. దేనికైనా రెడీ, దూసుకెళ్తా లాంటి ఒకట్రెండు యావరేజ్ సినిమాలు తప్ప. బాక్సాఫీస్ వద్ద ఎలాగైనా నిలదొక్కుకోవాలని ప్రయత్నిస్తోన్న విష్ణు తాజాగా ఓ కొత్త సినిమాతో తన లక్ పరీక్షించుకోనున్నాడు. ‘గీతాంజలి’, ‘త్రిపుర’ చిత్రాల దర్శకుడు రాజ్ కిరణ్ తెరకెక్కించనున్న ఈ సినిమాకి ‘లక్కున్నోడు’ అనే టైటిల్ ని ఫిక్స్ చేశారు. ఎంవివి సినిమా బ్యానర్ లో రూపొందనున్న ఈ సినిమా గణతంత్య్ర దినోత్సవం రోజు (2017 జనవరి 26)న విడుదల చేయనున్నారు. కామెడీ, లవ్, యాక్షన్ కలగలిపిన ఈ సినిమాకి డైమండ్ రత్నబాబు స్క్రీన్ ప్లే, సంభాషణలు అందిస్తుండగా, విష్ణుతో హన్సిక మూడోసారి ఆడిపాడనుంది.