Vishwak Sen: విజయ్ ని ఉద్దేశిస్తూ ఒక్క మాట కూడా అనలేదు!

టాలీవుడ్ యంగ్ హీరోలు విజయ్ దేవరకొండ, విశ్వక్ సేన్ లకు సంబంధించిన ఓ విషయం గతంలో చర్చనీయాంశంగా మారింది. విశ్వక్ సీన్ నటించిన ‘ఫలక్ నుమా దాస్’ సినిమా ప్రీరిలీజ్ ఈవెంట్ లో భాగంగా అతడు చేసిన వ్యాఖ్యలు వివాదాస్పదమయ్యాయి. ఈ వేడుకలో విశ్వక్.. ”ఇప్పటికే ఒకడ్ని లేపినం.. మళ్లీ వీన్నేక్కడ లేపాల్రా నాయనా అనుకుంటున్నారేమో.. నన్నేవడూ లేపాల్సిన అవసరం లేదు.. నన్ను నేనే లేపుకుంటానంటూ” అంటూ కొన్ని కామెంట్స్ చేశాడు. అయితే ఈ వ్యాఖ్యలు విజయ్ దేవరకొండను ఉద్దేశించి చేసినవే అంటూ ఫ్యాన్స్ ఆగ్రహం వ్యక్తం చేశారు.

ఈ క్రమంలో సోషల్ మీడియాలో పెద్ద రచ్చ జరిగింది. విజయ్ దేవరకొండ ఫ్యాన్స్ విశ్వక్ సేన్ పై విరుచుకుపడ్డారు. విశ్వక్ కి సపోర్ట్ చేసే బ్యాచ్ రివర్స్ పంచ్ లు ఇచ్చారు. దీంతో అప్పుట్లో ఈ గొడవ సంచనలం సృష్టించింది. అయితే ఈ గొడవపై విశ్వక్ కానీ విజయ్ కానీ స్పందించలేదు. ఇన్నాళ్లకు విశ్వక్ సేన్ ఈ వివాదంపై క్లారిటీ ఇచ్చాడు. ఓ టీవీ షోలో పాల్గొన్న విశ్వక్.. తను విజయ్ దేవరకొండని ఉద్దేశించి ఒక్క మాట కూడా అనలేదని స్పష్టం చేశాడు.

‘ఫలక్ నుమా దాస్’ సినిమా టైమ్ లో ఓ నిర్మాత తనను ఉద్దేశిస్తూ.. వీన్ని తొక్కండ్రా అని అన్నాడని.. దీంతో అప్పటివరకు పడిన కష్టమంతా వృథా అయిపోతుందేమోనని భయంతో కంగారులో స్టేజ్ పై అలా మాట్లాడానే తప్ప.. ఎవరినో ఉద్దేశించి చేసిన కామెంట్స్ అయితే కాదని అన్నారు. కానీ సోషల్ మీడియాలో కొందరు మసాలా జోడించి వార్తలు రాయడంతో ఇష్యూ పెద్దది అయిందని చెప్పుకొచ్చారు. ఇక కెరీర్ విషయానికొస్తే.. ‘హిట్’ సినిమాతో భారీ విజయాన్ని అందుకున్న విశ్వక్ ప్రస్తుతం ‘పాగల్’ అనే సినిమాలో నటిస్తున్నాడు.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!