‘పాగల్’ సినిమా ప్రచారంలో బాగా ప్రాచుర్యంలోకి వచ్చిన అంశం ‘పేరు మార్చుకుంటా’. సినిమా హీరో విశ్వక్సేన్ తన సినిమా మీద ఉన్న నమ్మకంతో… సినిమా ఆడకపోతే ‘పేరు మార్చేసుకుంటా’ అంటూ బహిరంగంగా ప్రకటించారు. సినిమా వచ్చింది, ఎలాంటి ఫలితం సాధించింది అనేది ప్రజలకు, ప్రేక్షకులకు బాగా తెలుసు. ఆశించిన రీతిలో వసూళ్లు లేవని సినీ పరిశీలకులు లెక్కలు చెబుతున్నారు. అయితే విశ్వక్సేన్ మాత్రం అస్సలు ఒప్పుకోవడం లేదు. దానికి ఆయన కొన్ని లెక్కలు చెబుతున్నాడు.
‘పాగల్ ’విడుదలైనప్పటి నుండి సోషల్ మీడియాలో వినిపిస్తున్న మాట ‘విశ్వక్సేన్ ఏ పేరు పెట్టుకుంటాడు’అని. ఈ చర్చ ఆ నోట ఈ నోట పడి అలా విశ్వక్సేన్ వరకు వెళ్లినట్లుంది. దానికి ఆయన ఇటీవల స్పందించారు. సినిమా విజయోత్సవం (?) సభను చిత్రబృందం ఇటీవల నిర్వహించింది. ఈ సందర్భంగా విశ్వక్సేన్ మాట్లాడుతూ… ‘‘సినిమా విడుదల తర్వాత చాలా మంది నేను పేరు ఎప్పుడు మార్చుకుంటానా అని ఎదురుచూస్తున్నారు. కానీ, ప్రేక్షకులు విజయాన్ని అందించి ఆ అవసరం లేకుండా చేశారు’’ అని చెప్పారు విశ్వక్సేన్.
సినిమా విషయంలో వచ్చిన ఫలితం, ఆదరణ చూశాకే నాకర్థమైంది… నాకు మీరు తప్ప ఎవరూ మరెవరూ లేరని అని విశ్వక్సేన్ ఎమోషనల్ అయ్యాడు. నన్ను కాపాడేది మీరేనని తెలిసింది అంటూ అభిమానులను ఆకాశానికెత్తే ప్రయత్నం చేశాడు. అంతేకాదు సినిమా వసూళ్ల లెక్కలు కూడా చెప్పాడు. శనివారం, ఆదివారరం చూస్తే… ₹ఆరున్నర కోట్ల గ్రాస్ వసూలు చేసింది మా సినిమా అని చెబుతున్నాడు. అంటే పేరు మార్పు లేనట్లే ఇగ.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
