మొన్న మలయాళ రీమేక్.. ఈసారి బాలీవుడ్ రీమేక్

“వెళ్లిపోమాకే”తో తెలుగు తెరకు పరిచయమైన విశ్వక్ సేన్.. “ఈ నగరానికి ఏమైంది”తో సూపర్ హిట్ సొంతం చేసుకొని తనకంటూ ప్రత్యేకమైన గుర్తింపు కూడా సంపాదించుకొన్నాడు. ఇక “ఫలక్ నుమా దాస్”తో దర్శకుడిగా కూడా మారి పర్వాలేదనిపించుకొన్నాడు. మలయాళ హిట్ సినిమా “అంగమలై డైరీస్”కు రీమేక్ గా రూపొందిన ఆ చిత్రం తెలుగులో ఓ మోస్తరు హిట్ గా నిలిచింది. ఆ సినిమా అనంతరం విశ్వక్ సేన్ కు బోలెడన్ని ఆఫర్లు వచ్చినప్పటికీ.. మళ్ళీ రీమేక్ నే తన తదుపరి చిత్రంగా ఎంచుకొన్నట్లు తెలుస్తోంది. తన మునుపటి సినిమా మలయాళ రీమేక్ కాగా.. తాజా రీమేక్ మాత్రం బాలీవుడ్ చిత్రానిది.

బాలీవుడ్ లో సూపర్ హిట్ గా నిలిచిన “సోనూ కే టీటూ కి స్వీటీ”ను తెలుగులో చాలామంది హీరోలు రీమేక్ చేయడానికి ప్రయత్నించినప్పటికీ.. ఎందుకో వర్కవుట్ అవ్వలేదు. త్రివిక్రమ్-అల్లు అర్జున్ సినిమా కోసం కూడా ఆ రీమేక్ ను పరిశీలించిన విషయం తెలిసిందే. మరి విశ్వక్ సేన్ కి ఉన్న స్టార్ డమ్ కి, ఇమేజ్ కి ఈ సింపుల్ కామెడీ ఎంటర్ టైనర్ ఎంతవరకు వర్కవుట్ అవుతుంది అనేది చూడాలి.

గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి