Vishwak Sen: విశ్వక్ సేన్.. ఇక జాగ్రత్త పడకపోతే కష్టం

విశ్వక్ సేన్(Vishwak Sen) కెరీర్లో భీభత్సమైన బ్లాక్ బస్టర్ సినిమాలు ఏమీ లేకపోయినా.. అతను ఎంపిక చేసుకునే స్క్రిప్ట్..లు బాగుంటాయనే మంచి పేరైతే సంపాదించుకున్నాడు. ‘ఈ నగరానికి ఏమైంది’ ‘ఫలక్ నుమా దాస్’ ‘హిట్’ ‘అశోకవనంలో అర్జున కళ్యాణం’ ‘గామి’ వంటి సినిమాలు విశ్వక్ సేన్ కి మంచి పేరు తెచ్చిపెట్టాయి. విశ్వక్ సేన్  ని నటుడిగా కూడా మరో మెట్టు పైకి ఎక్కించిన సినిమాలు ఇవి అని చెప్పొచ్చు.

Vishwak Sen

‘ఓరి దేవుడా’ ‘దాస్ క ధమ్కీ’  వంటి సినిమాలు మిక్స్డ్ టాక్ తెచ్చుకున్నా.. కమర్షియల్ గా ఓకే అనిపించాయి. ‘పాగల్’ ధియేటర్లలో ఆడలేదు కానీ ఒటీటీలో మంచి రెస్పాన్స్ తెచ్చుకుంది.మార్కెట్ పరంగా కూడా విశ్వక్ సేన్ కన్సిస్టెన్సీ మెయిన్టైన్ చేస్తూ వచ్చాడు. కానీ ‘గ్యాంగ్స్ ఆఫ్ గోదావరి’ సినిమా నుండి విశ్వక్ సేన్ ట్రాక్ తప్పాడని అర్దం చేసుకోవచ్చు. ఆ సినిమా కథ, కథనం పై వచ్చిన విమర్శలు అందరికీ తెలిసినవే.

అటు తర్వాత విశ్వక్ చేసిన ‘మెకానిక్ రాకీ’ కూడా డిజాస్టర్ అయ్యింది. ఆ సినిమా కాన్సెప్ట్ కూడా ‘భద్రమ్’ వంటి సినిమాలో వాదిండే. ఇక గతేడాది ‘వాలెంటైన్స్ డే’ కి వచ్చిన ‘లైలా’ దారుణంగా ట్రోల్ అయ్యింది. ఏడాది గ్యాప్ తీసుకుని చేసిన ‘ఫంకీ’ కూడా అనుకున్న ఫలితాన్ని ఇవ్వలేదు. ‘ఫంకీ’ కి విశ్వకే మైనస్ అనే విధంగా విమర్శలు మూటగట్టుకున్నాడు. ఇక ఈ సినిమాల మధ్యలో ‘సీతా పయనం’ అనే సినిమాని విశ్వక్ రిజెక్ట్ చేశాడు. దాని కోసం అర్జున్ సర్జా ఛాంబర్ కి ఎక్కిన సంగతి తెలిసిందే.

ఇలా అన్ని రకాలుగా విశ్వక్ ట్రాక్ తప్పాడు అనే చెప్పాలి. సో విశ్వక్ స్క్రిప్ట్ విషయంలో జాగ్రత్త వహించాలి.లేదు అంటే ఇంకా దారుణంగా ఉంటుంది పరిస్థితి. ప్రస్తుతం విశ్వక్ చేతిలో ‘కల్ట్’ ‘ఈ ఎన్ ఈ’ వంటి సినిమాలు ఉన్నాయి. ఇవి కనుక హిట్ అయితే విశ్వక్ ట్రాక్ లోకి వచ్చే అవకాశం ఉంది.

‘ఎల్లమ్మ’ ని ‘ఉస్తాద్ భగత్ సింగ్’ ని ఎలా మేనేజ్ చేస్తున్నాడు?