రీమేక్‌ సినిమాలకు సీక్వెల్స్ అంటే… ఒరిజినల్‌ సినిమాకు సీక్వెల్‌ రావాలి అనుకుంటాం. కానీ ఇటీవల కాలంలో అలాంటి ఆలోచనలు ఏమీ లేవు. అలా టాలీవుడ్లో ఓ హిట్‌ రీమేక్‌కు సీక్వెల్‌ సిద్ధం కాబోతోంది. అదే ‘ఫలక్‌నుమాదాస్‌ 2’. మలయాళంలో విజయవంతం అయిన ‘అంగమలై డైరీస్‌’కు రీమేక్‌గా విశ్వక్‌సేన్‌ ‘ఫలక్‌నుమా దాస్’ తీసిన విషయం తెలిసిందే. ఇప్పుడు దీనికి సీక్వెల్‌ తీయాలని నిర్ణయించినట్టు విశ్వక్‌సేన్‌ తాజాగా ప్రకటించాడు. మలయాళంలో ‘అంగమలై డైరీస్‌’ చిత్రానికి సీక్వెల్‌ రాలేదు.
కానీ ‘ఫలక్‌నుమా దాస్’కు మాత్రం సీక్వెల్‌ చేస్తున్నారు. ఈ విషయాన్ని ఇన్‌స్టాగ్రామ్‌ వేదికగా విశ్వక్‌సేన్‌ అభిమానులకు తెలియజేశాడు. మూడేళ్ల కిత్రం జరిగిన ‘ఫలక్‌నుమా దాస్’ ముహూర్తం షాట్‌… నిన్ననే జరిగినట్లు అనిపిస్తోంది. మరోసారి ఈ చిత్ర బృందం ‘ఫలక్‌నుమా దాస్ 2’ కోసం త్వరలోనే కలవబోతుంది అంటూ నాటి ఫొటోను షేర్‌ చేశాడు విశ్వక్‌సేన్‌. అక్కడ రాని సీక్వెల్‌ ఇక్కడ తీసుకురావడం వెనుక చాలా కారణం ఉందని తెలుస్తోంది. అసలైన హైదరాబాద్ చూడాలంటే ‘ఫలక్‌నుమా దాస్’ చూడాలి అని కొంతమంది సినిమా జనాలు అంటుంటారు.
ఎందుకంటే అంత లైవ్‌గా చూపించారు. దీంతో ఆ ఫీల్‌ను మరోసారి చూపిస్తే సరైన హిట్‌ అందుకోవచ్చు అని విశ్వక్‌సేన్‌ అనుకుంటున్నాడట. అందుకే ‘ఫలక్‌నుమా దాస్ 2’ తీస్తున్నారట. మరి ఇందులో ఏం చూపిస్తారో, కథాంశం ఏంటి అనేది త్వరలో తెలిసే అవకాశం ఉంది. ప్రస్తుతం విశ్వక్‌సేన్‌ ‘పాగల్‌’ పనుల్లో బిజీగా ఉన్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home