‘విశ్వంభర’ (Vishwambhara) సినిమాకు ‘జగదేక వీరుడు అతిలోక సుందరి’ (Jagadeka Veerudu Athiloka Sundari) సినిమా కనెక్షన్‌ ఉంటుంది అని గత కొన్ని రోజులుగా వింటూనే ఉన్నాం. ఈ విషయంలో సినిమా టీమ్‌ ఎలాంటి రియాక్షన్‌ ఇవ్వలేదు కానీ.. వైజయంతి మూవీస్‌ అయితే ‘జగదేక వీరుడు..’ రైట్స్‌ మా దగ్గరే ఉన్నాయి అనే అర్థం వచ్చేలా ఓ పోస్ట్‌ పెట్టింది. ఆ విషయమే ఇంకా తేలడం లేదు. ఇప్పుడు మరో సినిమాతో ఈ సినిమాకు లింక్‌ ఉంది అంటూ వార్తలొస్తున్నాయి.
ఇప్పుడు పుకార్లు రావడానికి కారణం దర్శకుడు మల్లిడి వశిష్ఠ ఎక్స్‌లో పెట్టిన ఓ పోస్ట్‌. ఆదివారం సాయంత్రం వశిష్ట (Mallidi Vasishta) ఓ వీడియోను షేర్‌ చేశారు. అది చిరంజీవి (Chiranjeevi) కల్ట్‌ మాస్‌ బొమ్మ ‘ఖైదీ’ (Khaidi)లోనిది. ఇప్పటికే అర్థమై ఉంటుంది ఆ సీన్‌ ఏంటో. ‘కొండపల్లి’ ఊరు బోర్డు ముందు చిరంజీవి నిలబడి ఎటు వెళ్లాలి అని ఆలోచిస్తున్న సీన్‌ అది. ఆ సీన్‌లో ఉండే ఎలివేషన్‌ ఓ లెవల్‌ మరి.
ఇప్పుడు ఆ సీన్‌ను వశిష్ఠ ఎందుకు ట్వీట్‌ చేశారో తెలియదు కానీ ‘విశ్వంభర’ సినిమాకు దీనికీ లింక్‌ పెట్టేస్తున్నారు ఔత్సాహిక అభిమానులు. అలాంటి సీన్‌ ఈ సినిమాలోనూ ఉంటుందని కొందరు సానుకూలంగా అంటుంటే.. ఆ సీన్‌ రిఫరెన్స్‌ ఈ సినిమాలో రాసుకున్నారేమో అని మరికొందరు అంటున్నారు. ఇంకొందరు అయితే ‘విశ్వంభర’ కొత్త షెడ్యూల్‌ స్టార్ట్‌ చేస్తున్నారు యాక్షన్‌ ఎపిసోడ్‌తో అని ఊహిస్తున్నారు.
ఈ నేపథ్యంలో ఆ వీడియో ఎందుకు పోస్టు చేశారో వశిష్ఠనే చెప్పాలి. నిజానికి ఈ సినిమా ఇప్పటికే రిలీజ్ అయిపోవాలి. సంక్రాంతికి రావాల్సిన ఈ సినిమాను ‘గేమ్‌ ఛేంజర్‌’ (Game changer) కోసం ఆపారు. మరోవైపు సినిమా టీజర్‌కు వచ్చిన నెగిటివిటీని దృష్టిలో పెట్టుకుని విజువల్‌ ఎఫెక్ట్స్‌ విషయంలో చాలా మార్పులు చేయాలని కూడా టీమ్‌ ఫిక్స్ అయిందట. మరి ఆ పనులు పూర్తై సినిమా ఫైనల్‌ షూట్‌కి ఎప్పుడు తీసుకొస్తారో చూడాలి. ఈ లేటు వల్లే రిలీజ్ డేట్ కూడా చెప్పడం లేదు అని టాలీవుడ్‌ వర్గాల భోగట్టా.
Home