Viswam: విశ్వంతో శ్రీనువైట్ల కమ్ బ్యాక్ ఇచ్చేలా ఉన్నాడుగా!

తన ప్రాభవం కోల్పోయి, ఉనికి చాటుకోవడం కోసం నానా తంటాలు పడుతున్న దర్శకుల్లో శ్రీనువైట్ల (Sreenu Vaitla) ఒకరు. ఆయన మునుపటి చిత్రం “అమర్ అక్బర్ ఆంటోనీ” డిజాస్టర్ గా నిలవడం, ఆ తర్వాత ఆయన దర్శకత్వంలో నటించడానికి పెద్ద హీరోలెవరూ ఆసక్తి కనబరచకపోవడంతో చాన్నాళ్లుగా ఖాళీగా ఉండిపోయాడు. ఎట్టకేలకు గోపీచంద్ తో కథ ఒకే చేయించుకొని “విశ్వం” (Viswam) అనే సినిమాను మొదలెట్టాడు. ఈ సినిమా శ్రీనువైట్లతోపాటు గోపీచంద్ (Gopichand ) కు కూడా చాలా కీలకం.

Viswam

“విశ్వం” టీజర్ ఇవాళ విడుదలైంది. టీజర్ మొత్తం శ్రీనువైట్ల మార్క్ కామెడీ & కొద్దిపాటి యాక్షన్ తో నింపేశారు. “నీకు మార్షల్ ఆర్ట్స్ తెలుసా అంటే.. నాకు గీతా ఆర్ట్స్ & ఎన్టీఆర్ ఆర్ట్స్ తప్ప ఏమీ తెలీదు” అనే పంచ్ డైలాగ్ బాగా పేలింది. అలాగే.. గోపీచంద్ తో చెప్పించిన.. “కొట్టారు తీసుకున్నాం.. రేపు మాకు టైం వస్తుంది. మేము కొడతాం…!!” అనే డైలాగ్ బాగా వర్కవుటయ్యింది.

ఈ డైలాగ్ జగన్ ఎలక్షన్స్ ను ఉద్దేశించి చెప్పినది కావడం, 2019లో జగన్ గెలిచిన తర్వాత ఆ ఆడియో బాగా వైరల్ అయ్యింది. ఇప్పుడు శ్రీనువైట్ల తన సినిమా కోసం వాడేయడం బాగా సెట్ అయ్యింది. ఇకపోతే.. పీపుల్స్ మీడియా ఫ్యాక్టరీ నిర్మిస్తున్న “విశ్వం” టీజర్ కంటెంట్ వరకు బానే ఉంది. ముఖ్యంగా.. కావ్య థాపర్ (Kavya Thapar) మరోసారి తన గ్లామర్ తో ఆకట్టుకుంది. మరి ఈ సినిమాతోనైనా శ్రీనువైట్ల & గోపీచంద్ తమ పూర్వ వైభవాన్ని తిరిగి పొందగలుగుతారో లేదో చూడాలి.

ఇకపోతే.. ఈ చిత్రాన్ని అక్టోబర్ 11న విడుదల చేస్తున్నట్లు ప్రకటించారు చిత్రబృందం. అదే తరుణంలో.. రజనీకాంత్ (Rajinikanth) “వేట్టయన్” (Vettaiyan) కూడా ఉండడంతో.. ఏకంగా రజనీకాంత్ సినిమాతో టక్కర్ కొట్టే రేంజ్ గోపీచంద్ & శ్రీనువైట్లకు ఉందా అనే డిస్కషన్స్ కూడా మొదలయ్యాయి. మరి ఇన్ని ఒడిదుడుకులను “విశ్వం” బృందం ఎలా ఎదుర్కొంటుందో చూడాలి.

కొడుకు కెరీర్..కి బూస్టప్ ఇచ్చేందుకు రెడీ అయిన బాలకృష్ణ..!