Balakrishna: కొడుకు కెరీర్..కి బూస్టప్ ఇచ్చేందుకు రెడీ అయిన బాలకృష్ణ..!

మరో 4 రోజుల్లో బాలకృష్ణ (Balakrishna)  తనయుడు మోక్షజ్ఞ తేజ డెబ్యూ మూవీకి సంబంధించిన పూజా కార్యక్రమాలు నిర్వహించనున్నట్టు టాక్ నడుస్తుంది. రామకృష్ణ స్టూడియోస్…లో ఈ కార్యక్రమం నిర్వహించే అవకాశం ఉంది. ఏపీ సీఎం నారా చంద్రబాబు నాయుడుతో సహా.. ఇంకా చాలామంది సెలబ్రిటీలు ఈ వేడుకకు హాజరయ్యే అవకాశం ఉంది. ప్రశాంత్ వర్మ (Prasanth Varma)  దర్శకత్వంలో మోక్షజ్ఞ హీరోగా ఎంట్రీ ఇవ్వబోతున్నట్టు సమాచారం. ‘ఎస్.ఎల్.వి క్రియేషన్స్’ సంస్థ ఈ ప్రెస్టీజియస్ ప్రాజెక్ట్ ని నిర్మించే అవకాశాలు ఉన్నాయట.

Balakrishna

స్క్రిప్ట్ 90 శాతం ఒకే అయ్యింది అని తెలుస్తుంది. మరో 2 రోజుల్లో బాలయ్య ఫైనల్ వెర్షన్ వింటారట. ప్రశాంత్ వర్మ పై బాలయ్యకి నమ్మకం ఎక్కువ. ‘అన్ స్టాపబుల్’ కి వర్క్ చేసినప్పటి నుండి ప్రశాంత్ వర్మ బాలయ్యకి చాలా క్లోజ్ అయ్యాడు. ఇప్పుడు చేయబోయే సినిమా కూడా ‘హనుమాన్’ (Hanuman) లా ‘ప్రశాంత్ వర్మ సినిమాటిక్ యూనివర్స్’ లో భాగమని తెలుస్తుంది. ఈ ప్రాజెక్టులో కూడా క్లైమాక్స్ లో మైథలాజికల్ టచ్ ఉంటుందట.

అందులో భాగంగా.. బాలయ్య శ్రీకృష్ణుడిగా కనిపించే అవకాశాలు ఉన్నట్లు సమాచారం. గతంలో ‘పాండురంగడు’ (Pandurangadu) అనే సినిమాలో శ్రీకృష్ణుడి పాత్రలో బాలయ్య కనిపించారు. ‘ఎన్టీఆర్ కథానాయకుడు’ (NTR: Kathanayakudu) లో కూడా ఓ సన్నివేశంలో ఆయన శ్రీకృష్ణుడిగా కనిపించిన సంగతి తెలిసిందే. పౌరాణికాల్లోని ఎలాంటి పాత్ర చేసినా..

ది బెస్ట్ ఇవ్వడం నందమూరి ఫ్యామిలీకి అలవాటు. ‘శ్రీరామరాజ్యం’ (Sri Rama Rajyam) లో శ్రీరాముని పాత్ర కోసం బాలయ్య చాలా కష్టపడ్డారు. ఆ పాత్ర చేసినన్ని రోజులు నిష్ఠగా వ్యవహరించేవారట. డైలాగులు కూడా అలవోకగా చెప్పేస్తారు బాలయ్య (Balakrishna) . తన కొడుకు సినిమాకి మైలేజ్ అందించడానికి ఆయన ఈ పాత్ర చేయడానికి అంగీకరించినట్టు స్పష్టమవుతుంది.

బాలయ్య కొడుకుతో పాటు చిన్న కూతురు కూడా సినీ రంగప్రవేశానికి రెడీ..!