దేశంలో బాగా డిస్కస్‌ చేసుకునే రెండు పాయింట్లు అంటే ఒకటి సినిమా, రెండోది క్రికెట్. వీటి గురించి ఎంత మాట్లాడినా తక్కువే అనిపిస్తుంది. అలాంటి రెండింటిని కలిపి హంగామా చేసిన సందర్భాలు చాలా ఉన్నాయి. అలా ప్రస్తుతం దేశంలో అతి పెద్ద క్రికెట్ టోర్నీ ఐపీఎల్‌, దేశం మొత్తం ఆసక్తిగా ఎదురుచూస్తున్న సినిమా ‘వార్‌ 2’ (War 2) కలవబోతున్నాయి. ఈ రోజు అహ్మాదాబాద్‌ వేదికగా జరగనున్న ఐపీఎల్‌ ఫైనల్‌ మ్యాచ్‌ మధ్యలో ‘వార్‌ 2’ సినిమా టీమ్‌ను మనం చూడబోతున్నాం.
ఈ రోజు అహ్మదాబాద్‌లోని నరేంద్ర మోదీ స్టేడియంలో జరిగే ఐపీఎల్‌ ఫైనల్‌లో రాయల్ ఛాలెంజర్స్ బెంగళూరు, పంజాబ్ కింగ్స్ తలపడనున్నాయి. ఈ మ్యాచ్‌ వేదికగా తమ సినిమా ప్రమోషన్స్‌ను కిక్‌స్టార్ట్‌ చేయాలని ‘వార్‌ 2’ టీమ్‌ ప్లాన్‌ చేసింది. ఐపీఎల్‌ ఫైనల్‌ మ్యాచ్‌లో ఓ స్పెషల్‌ గ్లింప్స్‌ను చిత్రబృందం ప్రసారం చేయనున్నట్లు వార్తలు వస్తున్నాయి. హృతిక్‌, ఎన్టీఆర్ పాత్రలకు సంబంధించిన వీడియోను ఫైనల్‌ మ్యాచ్‌ సందర్భంగా టీవీల్లో ప్రచారం చేస్తారు అని చెబుతన్నారు.
తమ పాత్రలను హీరోలు పరిచయం చేసుకునేలా ఆ వీడియోలు ఉంటాయని అంటున్నారు. అయితే, మరి హీరోలు నేరుగా టీవీ స్టూడియోలకు వచ్చి మాట్లాడతారా, లేక ముందుగా రికార్డు చేసుకున్న వీడియోలను ప్రదర్శిస్తారా అనేది తెలియాల్సి ఉంది. ఇటీవల ఎన్టీఆర్ (Jr NTR) పుట్టిన రోజు సందర్భంగా అభిమానులను సినిమా టీమ్‌ సర్‌ప్రైజ్‌ చేసిన సంగతి తెలిసిందే. సినిమా మెయిన్ లైన్‌ను చెప్పేలా ఓ టీజర్‌ను రిలీజ్‌చేశారు.
వైఆర్‌ఎఫ్‌ స్పై యూనివర్స్‌లో భాగంగా వస్తున్న ఆరో చిత్రమిది. అయాన్‌ ముఖర్జీ దర్శకత్వం వహిస్తున్నారు. పాన్‌ ఇండియా స్థాయిలో ఆగస్టు 14న సినిమా విడుదల కానుంది. మొన్న వచ్చిన టీజర్‌ విషయంలో ఎన్టీఆర్ ఫ్యాన్స్‌ అంత ఆసక్తిగా అయితే లేరు. మరిప్పుడు వచ్చే కొత్త కంటెంట్‌ అయినా ఆకట్టుకుంటుందో లేదో చూడాలి.
Home