లాస్ట్ పంచ్‌ మనదైతే ఆ కిక్కే వేరబ్బా… ఈ డైలాగ్‌ ఏ సినిమాలోనిది? ఎవరు చెప్పారు? అలాంటి ప్రశ్నలు మేం వేయం. ఎందుకంటే ఆ విషయం అందరికీ తెలుసు కాబట్టి. అయితే ఈ పంచ్‌ డైలాగ్‌ ఆ ఒక్క సినిమాలో ఉండొచ్చు కానీ… ప్రతి సినిమా టీజర్‌, ట్రైలర్‌లో ఆ ఆఖరి పంచ్‌ అయితే ఉంటుంది. ఎందుకంటే మాంచి డిన్నర్‌ తర్వాత డిజర్ట్‌లా ఉంటుంది కాబట్టి. అయితే ఇన్నాళ్లూ ఇలా లాస్ట్ పంచ్‌ హీరోలు వేయడం చూశాం. అందులో పవర్‌ ఉండటం కూడా చూశాం.
కానీ ఇటీవల వచ్చిన ఓ సినిమా గ్లింప్స్‌లో హీరోయిన్‌ లాస్ట్ పంచ్‌ వేసింది. మేం కూడా చూశాం ఆ టీజర్‌… అందులో పంచ్‌ ఏముంది అని అనుకుంటున్నారా? ఏమో మరి ‘ఏవండీ’ అని హీరోయిన్‌ పిలవగానే హీరో అలా స్టన్ అయిపోయాడు. దీంతో అసలు హీరోయిన్‌ అలా ఎందుకు పిలిచింది? హీరో ఎందుకు స్టన్ అయిపోయాడు అంటూ సోషల్‌ మీడియాలో చర్చ జరుగుతోంది. ఎవరికి వారు ఆ డైలాగ్‌ను, సీన్‌ను తమకు తగ్గట్టు మార్చుకుని మాట్లాడేసుకుంటున్నారు. కొందరైతే ఆ సీన్‌లో మరో పాయింట్‌ను కూడా పట్టుకున్నారు.
ముందు ఈ పాయింట్‌ మాట్లాడి తర్వాత మొదటి పాయింట్కి వద్దాం. అన్నట్లు ఇదంతా ‘ఫ్యామిలీ స్టార్‌’ సినిమా గురించి అని చెప్పలేదు కదా. విజయ్‌ దేవరకొండ, మృణాల్‌ ఠాకూర్‌ జంటగా పరశురామ్‌ తెరకెక్కిస్తున్న చిత్రమిది. ఇటీవల సినిమా టైటిల్‌ను, కాన్సెప్ట్‌ను వివరిస్తూ ఓ గ్లింప్స్‌ రిలీజ్‌ చేశారు. అందులో జరిగిందే పైనంతా రాశాం. ఈ సినిమాలో విజయ్‌ మరోసారి భర్త పాత్రలో కనిపించబోతున్నారు. ఇటీవల వచ్చిన ‘ఖుషి’లో, అంతకుముందు వచ్చిన ‘వరల్డ్‌ ఫేమస్‌ లవర్‌’లో కూడా విజయ్‌ భర్త పాత్రలో కనిపించాడు.
దీంతో విజయ్‌ భర్త పాత్రలంటే ఆసక్తి చూపిస్తున్నాడు అంటూ ఓ చర్చ మొదలైంది. ఎవరైనా కుర్ర హీరోలు లవర్‌ బాయ్‌ పాత్రలు అంటే ఆసక్తి చూపిస్తారని కానీ విజయ్‌ మాత్రం ఇలా చేస్తున్నాడని అంటున్నారు. ఇక పంచ్‌ డైలాగ్‌ సంగతి కొస్తే… హీరోయిన్‌తో ఆఖరున ఏవండీ అని పిలిపించడం, విజయ్‌ రియాక్షన్‌ సగటు ఇంట్లో జరిగే స్పెషల్‌ మూమెంట్‌ను చెప్పేలా ఉన్నాయి అంటున్నారు. అసలు సంగతి తెలియాలంటే సంక్రాతి వరకు ఆగాల్సిందే. అప్పుడే (Family Star) ‘ఫ్యామిలీ స్టార్‌’ థియేటర్లకు వస్తాడు.
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
Home