సినిమా విడుదల అంటే కనీసం నెల రోజుల ముందు నుండి ప్రచారం మొదలుపెడతారు. అయితే పరిస్థితులు మారిన నేపథ్యంలో ప్రచారానికి పెద్దగా సమయం వెచ్చించడం లేదు. అయితే ఆన్‌లైన్‌లో ప్రచారాన్ని బేషుగ్గా నిర్వహిస్తున్నారు. సోషల్‌ మీడియా వేదికగా అదరగొడుతున్నారు. అయితే విడుదల(?)కు ఇంకా వారం కూడా లేని సినిమాకు మాత్రం ఇప్పటివరకు ప్రచారం లేదు. విడుదల ఉండదు అనే మాట కూడా లేదు. దీనిపైనే ఇప్పడు చర్చంతా? పైన మేం చెప్పిందంతా ‘లవ్ స్టోరీ’ సినిమా గురించే అని మీకు అర్థమైపోయుంటుంది.
సెప్టెంబరు 10న సినిమాను విడుదల చేస్తామంటూ కొన్ని రోజుల క్రితం చిత్రబృందం ప్రకటించింది. దీంతో థియేటర్లలో చూసేద్దామని కొంతమంది సిద్ధమైపోయారు. చాలా రోజుల నుండి మంచి బజ్‌ఉన్న సినిమా ఆయే. అయితే ఈ సినిమా ఆ రోజు రాదని ఇటీవల వార్తలొస్తున్నాయి. అందుకు తగ్గట్టుగా సినిమా ప్రచారమూ మొదలవ్వలేదు. ఆంధ్రప్రదేశ్‌లో థియేటర్ల కష్టాలే ‘లవ్ స్టోరీ’ వాయిదా కారణం అవుతుందని మార్కెట్‌ వర్గాల అంచనా. అక్కడ టికెట్‌ ధరలు, షోలు ఇలా చాలా సమస్యలు ఉన్నాయి.
వాటిపై చిరంజీవి నేతృత్వంలోని టాలీవుడ్‌ బృందం ఈ రోజు ఏపీసీఎం వైఎస్‌ జగన్‌ను కలిసింది. ఆ చర్చల్లో స్పష్టత వస్తే… అప్పుడు ‘లవ్‌స్టోరీ’ ప్రచారం షురూ చేస్తారేమో. ఒకవేళ సరైన స్పష్టత రాకపోతే… సినిమా మరో వారం వాయిదా పడొచ్చు అని అంటున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
