టైమొచ్చింది సార్లూ… మాలీవుడ్‌లా టాలీవుడ్‌ సంగతి తేలాల్సిందే!

క్యాస్టింగ్‌ కౌచ్‌, లైంగిక వేధింపులు.. పేర్లు ఎలా ఉన్నా? ప్రస్తావన ఎలా ఉన్నా.. ఈ క్షమించరాని పరిస్థితి ప్రతి రంగంలోనూ ఉంది. దీనిపై తరచుగా ఎక్కడో దగ్గర విషయం చర్చకు వస్తోంది. వెంటనే మహిళలు, సంఘాలు ముందుకొచ్చి ఆందోళన చేస్తాయి. కొన్ని రోజుల తర్వాత పరిస్థితి ఆటోమేటిగ్గా కామ్‌ అయిపోతుంది. గత కొన్నేళ్లుగా సాగుతున్న ఈ పరిస్థితి టాలీవుడ్‌లో కూడా ఉంది అంటుంటారు. మాలీవుడ్‌లో జస్టిస్‌ హేమ కమిటీ రిపోర్టు రావడం, పాన్ ఇండియా కొరియోగ్రాఫర్‌ జానీ మాస్టర్‌  (Jani Master)  మీద లైంగిక వేధింపుల ఆరోపణలు రావడంతో మరోసారి టాలీవుడ్‌లో (Tollywood) ఈ విషయంలో సీరియస్‌ చర్యలు అవసరం అనే చర్చ మొదలైంది.

Tollywood

ఈ క్రమంలో రెండు రకాల ఆప్షన్లు కనిపిస్తున్నాయి. ఒకటి ఇప్పటికే సిద్ధం చేసిన రిపోర్టు బయటకు తీసుకురావడం.. లేదంటే కొత్త కమిటీ వేయడం. టాలీవుడ్‌లో మహిళా నటుల విషయంలో, వారు ఎదుర్కొంటున్న పరిస్థితులపై అంచనా వేయడానికి, అధ్యయనం చేయడానికి ఓ కమిటీ రూపొందింది. కొన్నేళ్ల క్రితం.. క్లియర్‌గా చెప్పాలటే కరోనా – లాక్‌డౌన్‌ పరిస్థితుల నేపథ్యంలో ఆ నివేదిక సిద్ధమైనా, ప్రభుత్వం వద్దకు చేర్చినా బయట పడలేదు. అందులో ఏముంది, ఎవరి గురించి ఉంది అనే వివరాలు తెలియవు.

అయితే జానీ మాస్టర్‌ ఇష్యూ తర్వాత ఆ రిపోర్టు ప్రస్తావన మళ్లీ వస్తోంది. అసలు టాలీవుడ్‌ గురించి ఎలాంటి విషయాలు ఆ కమిటీ రూపొందించింది అనే ప్రశ్న వినిపిస్తోంది. జస్టిస్‌ హేమ కమిటీ రిపోర్టుతో పాటు, నాయిక పూనమ్‌ కౌర్‌ (Pooam Kaur) చేస్తున్న ఆరోపణలు కూడా ఆ నివేదిక బయటకు రావాలనే వాదనకు బలం చేకూరుస్తున్నాయి.

మరి తెలంగాణ ప్రభుత్వం ఏ నిర్ణయం తీసుకుంటుంది అనేది ఆసక్తికరంగా మారింది. ఒకవేళ ప్రభుత్వం ముందుకురాకపోతే సినిమా పరిశ్రమ అంతా కలసి ముందుకొస్తుందేమో చూడాలి. ఎందుకంటే మరక పడ్డాక తుడుచుకోవడం ఎంత ముఖ్యమో.. ఇలాంటి ఆరోపణలు, విమర్శలను తేల్చేయడమూ అంతే అవసరం. మరి టాలీవుడ్‌ ఏమంటుందో?

నాగేశ్వర్రావు జత జయంతి ఉత్సవాల్లో ప్రకటించిన నాగార్జున.!