‘అఖండ’ తర్వాత దర్శకుడు బోయపాటి శ్రీనివాస్‌ సినిమా ఏంటి? చాలా రోజుల నుండి టాలీవుడ్ వర్గాల్లో ఈ చర్చ నడుస్తూనే ఉంది. రకరకాల పుకార్లు వినిపిస్తున్నా, ఇంకా ఏ సినిమా అధికారికంగా ప్రకటించలేదు. ఆ మాటకొస్తే అసలు ఇంకా ఏదీ ఓకే కాలేదు అనే తెలుస్తోంది. ప్రస్తుతం బోయపాటి ‘అఖండ’ పోస్ట్‌ ప్రొడక్షన్‌ పనులు చూస్తూనే తర్వాతి సినిమా ఆలోచనలూ చేస్తున్నాడట. స్టార్ హీరోలంతా వరుస సినిమాలతో బిజీగా ఉండటంతో ఎవరు ఓకే చేస్తారో తెలియడం లేదు. అయితే హీరో ఓకే అయ్యారనేది లేటెస్ట్‌ గాసిప్‌.
‘భద్ర’ కాంబో మరోసారి రిపీట్‌ కాబోతోందనేది లేటెస్ట్‌ న్యూస్‌. అవును బోయపాటి, రవితేజ మరోసారి కలసి పని చేయబోతున్నారట. ఇప్పటికే బోయపాటి ఆ సినిమా కథకు సంబంధించి పనులు కొలిక్కి తీసుకొస్తున్నాడట. త్వరలో మరోసారి రవితేజకు వినిపించి, అఫీషియల్ అనౌన్స్‌మెంట్‌ ఇస్తారని అంటున్నారు. అయితే మరి రవితేజ ‘ఖిలాడీ’ తర్వాత ఈ సినిమానే చేస్తాడా? అంటే కాదనే అంటున్నారు. ఎందుకంటే త్రినాథరావు నక్కిన సినిమాలో రవితేజ నటించాల్సి ఉంది. అందుకే ఆ తర్వాత బోయపాటి వస్తాడు.
అంటే బోయపాటి నెక్స్ట్‌ సినిమా ఏంటి అనేది ఇంకా క్లారిటీ రానట్లే. ఎందుకంటే ‘ఖిలాడీ’ ఆఖరి దశకొచ్చేసింది. నిజానికి పరిస్థితులు బాగుంటే ఈ పాటికి రిలీజ్ అయిపోయేది. దీంతో త్రినాథరావు నక్కిన సినిమా అయ్యేలోపు బోయపాటి ఖాళీగా ఉంటాడు. దీంతో ఆ గ్యాప్‌లో ఓ సినిమా చేయాల్సి ఉంటుంది. మరి ఆ హీరో ఎవరు అనేది తెలియడం లేదు. అయితే అల్లు అర్జున్‌తో ఓ సినిమా చేస్తా అని ఆ మధ్య వార్తలొచ్చాయి. ఆ తర్వాత ఆ ముచ్చట్లు వినిపించలేదు. దీంతో బోయపాటి.. ఇదేంటి అనాలనిపిస్తోంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
