ఇండస్ట్రీలో హీరో/ హీరోయిన్‌.. మేనేజర్‌ బంధం కొత్తేమీ కాదు. ఎన్నో ఏళ్లుగా ఇది జరుగుతూనే ఉంది. ఈ క్రమంలో హీరో / హీరోయిన్‌ను మోసం చేసిన మేనేజర్లను చూశాం. సొంత మనుషుల్లో అన్నీ తానై చూసిన మేనేజర్లనూ చూశాం. తాజాగా ఇలా అన్నీ తానై చూసిన ఓ మేనేజర్‌ ఇప్పుడు ఆ హీరో నుండి దూరమయ్యారు. కారణాలేమైనా కావొచ్చు.. ఆయన ఇలా బయటకు వచ్చారో లేదో? చాలామంది ఆయన గురించి మాట్లాడుకుంటున్నారు. తమతో కలసి పని చేస్తే బాగుంటుంది అని కూడా అంటున్నారు.
ఇదంతా చదివిన వాళ్లకు మేం చెప్పేది సాయి ధరమ్‌ తేజ్ – అతని మేనేజన్‌ సతీష్ గురించే అని అర్థమైపోయుంటుంది. ఇద్దరి మధ్య ఏం జరిగిందో తెలియదు కానీ.. ఎంతో అభిమానంగా ఉండే ఈ ఇద్దరూ ఇటీవల జరిగిన చిన్న పని కారణంగా విడిపోయారు. స్నేహితుల్లా ఉండే సాయితేజ్‌ – సతీష్ ఇప్పుడు దూరమయ్యారు. ఎందుకు, ఏమిటి అనేది తెలియదు కానీ.. ఏదో అయ్యింది అని మాత్రం చెబుతున్నారు.
సతీష్.. చాలా కాలంగా (Sai Dharam Tej) సాయితేజ్‌తోనే ఉంటున్నారు. ప్రమాదం జరిగిన తర్వాత ఆయన దగ్గరే ఉండి చూసుకున్నారట. ఇటీవల వచ్చిన ‘విరూపాక్ష’ సినిమా ఓ ఏరియా పంపిణీ కూడా ఆయనే చూశారట. అయితే ఇప్పుడు సాయిధ‌ర‌మ్ తేజ్, స‌తీష్‌కీ మధ్య వచ్చిన గ్యాప్ గురించి అంతా తెలిసిపోయింది. దీంతో ఇప్పుడు స‌తీష్‌కి ఆఫ‌ర్లు వస్తున్నాయట. ‘మా సంస్థ‌లో చేరు…’, ‘మా హీరోకి ప‌నిచేస్తారా’ అంటూ ఆఫ‌ర్లు ఇస్తున్నార్ట. అయితే సతీష్ ఎలాంటి నిర్ణ‌యం తీసుకోలేద‌ని సమాచారం.
సాధార‌ణంగా హీరోల మేనేజ‌ర్‌ల‌కు చేతినిండా సంపాద‌న ఉంటుంది అంటుంటారు. హీరో పారితోషికంలో క‌మీష‌న్‌, నెల‌వారీ జీతం, ఇంకా కొన్ని లెక్కలు ఉంటుంటాయి. కానీ సతీష్ విషయంలో జీతం మాత్రమే ఉంటుంది అంటుంటారు. ఈ కారణంతోనే ఆయనను తమ మేనేజర్‌గా చేసుకుందామని చాలామంది అనుకుంటున్నారట. మరి సతీష్ ఏం చేస్తారు అనేది చూడాలి. అన్నట్లు సాయితేజ్‌ దగ్గరకు మరో సతీష్ వచ్చి చేరారట.
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
Home