Kriti Sanon: ”అందరి ముందు తిట్టేసరికి ఏడ్చేశా..”: కృతిసనన్

టాలీవుడ్ లో ‘1 నేనొక్కడినే’ సినిమాలో మహేష్ బాబుతో కలిసి నటించింది కృతిసనన్. ఆ తరువాత బాలీవుడ్ కి షిఫ్ట్ అయింది. అక్కడ స్టార్ హీరోల సినిమాల్లో అవకాశాలు దక్కించుకుంటూ బిజీ హీరోయిన్ గా మారింది. భారీ మొత్తంలో రెమ్యునరేషన్ కూడా అందుకుంటుంది. ఇదిలా ఉండగా.. రీసెంట్ గా ఓ ఇంటర్వ్యూలో పాల్గొన్న కృతి తాను మోడలింగ్ చేస్తున్నప్పటి విషయాలను అభిమానులతో పంచుకుంది. తన మొదటి ర్యాంప్ వల్ల షోలో ఏదో పొరపాటు విషయమై కొరియోగ్రాఫర్ తన పట్ల అసభ్యంగా ప్రవర్తించాడని చెప్పుకొచ్చింది.

ఆ షో ముగింపులో దాదాపు 20 మంది మోడళ్ల ముందు ఆ కొరియోగ్రాఫర్ తనను తిట్టాడని చెప్పింది కృతి. ఆ తరువాత తను ఆటోలో కూర్చొని ఆ విషయాన్ని తలచుకొని ఏడవటం మొదలుపెట్టి.. అక్కడ నుంచి ఇంటికి వెళ్లి అమ్మతో చెప్పుకొని బాధపడినట్లు తెలిపింది. ఆ సమయంలో తన తల్లి కృతిసనన్ తో ‘ఈ వృత్తిలో నువ్ రాణించగలవో లేదో నాకు తెలియదు కానీ ముందు నువ్ మానసికంగా మరింత బలంగా ఉండాలి. నీ మీద నీకు నమ్మకం ఉండాలంటూ’ ధైర్యం చెప్పిందట.

ఈ విషయాలను గుర్తి చేసుకుంటూ ఎమోషనల్ అయింది కృతి. ప్రస్తుతం ఈ బ్యూటీ చేతిలో చాలా సినిమాలున్నాయి. ప్రభాస్ తో కలిసి ‘ఆదిపురుష్’ లాంటి పాన్ ఇండియా సినిమాలో నటిస్తోంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!