Pushpa2: ‘పుష్ప 2’… బన్నీ అభిమానులకు అదిరిపోయే సర్ప్రైజ్ ఇచ్చిన సుకుమార్!

April 7, 2023 / 04:47 PM ISTByFilmy Focus

Join Us

Pushpa2: ‘పుష్ప 2’… బన్నీ అభిమానులకు అదిరిపోయే సర్ప్రైజ్ ఇచ్చిన సుకుమార్!

ఏప్రిల్ 8న అంటే రేపు అల్లు అర్జున్ పుట్టినరోజు. కాబట్టి అల్లు అర్జున్ అభిమానులకు కచ్చితంగా ఓ అప్డేట్ కావాలి. అప్పుడే అల్లు అర్జున్ బర్త్ డే హ్యాష్ ట్యాగ్ సోషల్ మీడియాలో ఓ రేంజ్లో ట్రెండ్ అవుతుంది. మొన్ననే ‘పుష్ప 2’ అనౌన్స్మెంట్ గ్లింప్స్ అంటూ ఓ వీడియోను రిలీజ్ చేశారు. ఇందులో ‘ తిరుపతి జైలు నుండి బుల్లెట్ గాయాలతో తప్పించుకున్న ‘పుష్ప’.. ‘అసలు పుష్ప ఎక్కడ’ హంట్ ఫర్ పుష్ప అంటూ’ ఆసక్తిని కలిగించేలా ఈ వీడియో ఉంది.

తాజాగా ఈ వీడియోని మరింతగా ఎక్స్టెండ్ చేస్తూ మరో వీడియోను రిలీజ్ చేశారు. ఇందులో ‘పుష్ప’ బ్రతికున్నాడా? చనిపోయాడా? అనే క్యూరియాసిటీ కల్పిస్తూ ఆసక్తిని పెంచారు. తర్వాత 10 సార్లు పోలీసులు ‘పుష్ప’ పై కాల్పులు జరపగా.. 8 బుల్లెట్ లు అతనికి తగిలాయి.. బ్రతికుండే ఛాన్సే లేదు’ అన్నట్టు ఈ వీడియో సాగింది. ఆ క్రమంలో ‘పుష్ప’ అని అభిమానించేవారు పోలీసుల పై నిరసన వ్యక్తం చేస్తూ బస్సుల పై, షాపుల పై దాడి చేయడాన్ని చూపించారు.

అటు తర్వాత పులుల జాడ కనుక్కునేందుకు పెట్టిన నైట్ విజన్ కెమెరాల్లో పుష్పని చూపించడం, పుష్పను చూసిన తర్వాత పులి కూడా రెండు అడుగులు వెనక్కి వేసినట్టు చూపించడం.. వంటి విజువల్స్ అందరికీ గూజ్ బంప్స్ తెప్పించే విధంగా ఉన్నాయని చెప్పొచ్చు. ‘అడవిలో జంతువులు రెండు అడుగులు వెనక్కి వేసాయి అంటే పులి వచ్చింది అని అర్థం.

అదే పులి రెండు అడుగులు వెనక్కి వేసింది అంటే పుష్ప వచ్చిండాడు అని అర్థం’ అనే డైలాగ్ కూడా ఈ వీడియోకి హైలెట్ గా నిలిచింది’. ‘పుష్ప’ (Pushpa2) ని చూసిన తర్వాత జనాలు పండగ చేసుకోవడం వంటి విజువల్స్ కూడా చూపించారు. చూస్తుంటే ‘పుష్ప 2’ పెద్ద బ్లాక్ బస్టర్ అవ్వడం ఖాయం అని ఈ వీడియో క్లారిటీ ఇచ్చింది. ఈ వీడియోని మీరు కూడా ఓ లుక్కేయండి :