త్రివిక్రమ్ సినిమా స్టార్ట్ చేయడంలో ఆలస్యం.. వన్స్ స్టార్టయ్యిందా ఇక బ్రేకులుండవు అంటారు. పక్కా ప్లానింగ్లో మొదలుపెట్టి, అంతే వేగంగా పూర్తి చేస్తూ ఉంటారాయన. అయితే రెండేళ్లుగా ఆయన నుండి సినిమాలు లేవు. 2020 సంక్రాంతికి వచ్చిన ‘అల వైకుంఠపురములో’నే ఆఖరి సినిమా. అయితే ‘భీమ్లా నాయక్’కి స్క్రీన్ప్లే, మాటలు అందించారు. దీంతో గురూజీ అభిమానులు సినిమా కోసం తెగ వెయిట్ చేస్తున్నారు. మధ్యలో ఆ సినిమా, ఈ సినిమా అనుకున్నా ఆఖరికి మహేష్ బాబు సినిమా ఓకే అయ్యి, కొబ్బరికాయ కూడా కొట్టేశారు.
త్వరలో మహేష్బాబు సినిమా షూటింగ్ ప్రారంభమవుతుందని సమాచారం. ‘సర్కారు వారి పాట’ ఆఖరి దశకొచ్చేస్తోందని, నెక్స్ట్ త్రివిక్రమ్ సినిమానే అంటున్నారు. అయితే ఇన్నాళ్ల గ్యాప్ను మరపించాలని త్రివిక్రమ్ గట్టిగా అనుకుంటున్నారట. మహేష్ బాబు సినిమా తర్వాత రెండు సినిమాలను కూడా ప్రకటించే పనిలో ఉన్నారట. అది కూడా అగ్రహీరోలతోనే అని సమాచారం. ఒకవేళ ఇదే జరిగితే గురూజీ అభిమానులకు పండగే అని చెప్పొచ్చు. టాలీవుడ్ వర్గాల సమాచారం ప్రకారం అయితే ఎన్టీఆర్, అల్లు అర్జున్ల సినిమాలే త్రివిక్రమ్ లైనప్లో ఉన్న నెక్స్ట్ మూవీస్ అంటున్నారు.
ఇప్పటికే బన్నీతో ‘జులాయి’, ‘సన్నాఫ్ సత్యమూర్తి’, ‘అల వైకుంఠపురములో..’తో హ్యాట్రిక్ కొట్టిన త్రివిక్రమ్ సెకండ్ హ్యాట్రిక్ బీజం వేయాలని చూస్తున్నారట. మరోవైపు ‘అరవిందసమేత’ కొత్త లుక్ ఎన్టీఆర్ను పరిచయం చేశారు గురూజీ. రెండో సినిమా వస్తే బాగుండు అని అందరూ అనుకుంటున్నారు. అలా ‘అయిననూ పోయిరావలె హస్తినకు’ (రూమర్ టైటిల్) అనే సినిమా ఓకే అయ్యింది. ప్రకటన అయ్యాక నిలిచిపోయింది. దీంతో ఎన్టీఆర్తో ఓ సినిమా ఉంటుంది అని అంటున్నారు.
మరి ఈ ఇద్దరిలో త్రివిక్రమ్ నెక్స్ట్కి నెక్స్ట్ ఉంటుంది అనేది చూడాలి. ఎన్టీఆర్కి అయితే కొరటాల శివ, అనిల్ రావిపూడి, బుచ్చిబాబు లైనప్లో ఉన్నారని టాక్. ప్రశాంత్ నీల్ సినిమా కూడా లైన్లో ఉంది. ఇక బన్నీకి అయితే ‘పుష్ప 2’ తర్వాత కొరటాల శివ సినిమా చేయాలి. ఆ తర్వాత ఏంటి అనేది ఇంకా తెలియదు. సో త్రివిక్రమ్.. మహేష్ సినిమా తర్వాత ఏం చేస్తారు అనేది ఆసక్తికరంగా మారింది.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
