‘టాక్సిక్’ సినిమా గురించి చాలా రోజులుగా మాట్లాడుకుంటున్నారు. ఎవరూ ఊహించని విధంగా సినిమా ఉంటుందని, రాకింగ్ స్టార్ ఇమేజ్కి తగ్గ కథ ఉంటుంది. యాక్షన్, మాస్ అంశాలను బాగా దట్టించి సినిమా సిద్ధం చేస్తున్నారు అని అంతా అనుకున్నారు. అనుకున్నట్లుగానే సినిమా టీజర్లోనూ ఆ ఎలిమెంట్స్ బాగా కనిపించాయి. యశ్ గత సినిమాలు ‘కేజీయఫ్’ను మించి ఇందులో యాక్షన్ చూశారు అభిమానులు. వాటితోపాటు ఓ అదనపు ఎలిమెంట్ కూడా కనిపించింది.
సినిమా టీజర్ చూసిన వారికి అదేంటో ఈజీగా అర్థమైపోతుంది. ఆ అదనపు స్పెషల్ ఎలిమెంట్ గురించి ఇప్పుడు మాట్లాడుకుందాం. సినిమాలో యశ్తో ఓ ఇంటిమేట్ సీన్లో నటించిన అమ్మాయి గురించే ఇప్పుడు మాట్లాడుకుందాం. ఆ వీడియోలో సూపర్ ఎగ్జైటింగ్గా కనిపించిన అందం పేరు నటాలీ బర్న్. ఉక్రెయిన్ – అమెరికన్ కాంబినేషన్ మోడల్. అలాగే నటి కూడా.
‘ది ఎక్స్ పాండబుల్స్ 3’, ‘డాన్ హిల్’ తదితర హాలీవుడ్ సినిమాల్లో నటించి తన అందచందాలతో మెప్పించింది. ఈ సినిమాలో ఆమె నటించింది అని టీజర్ చూశాక మనకు తెలిసింది. అయితే కొన్ని రోజుల క్రితమే ‘టాక్సిక్’ సినిమాలో నటిస్తున్నట్లు నటాలీ బర్న్ సోషల్ మీడియాలో చెప్పేసింది. ఇప్పుడు ఆమె సోషల్ మీడియా ఖాతా చూస్తే ఈ విషయం తెలుస్తోంది.
ఇక ఈ సినిమా టీజర్ చూశాక దర్శకురాలు గీతూ జోసెఫ్ మీద పెద్ద ఎత్తున ప్రశంసలూ వస్తున్నాయి. విమర్శలూ వస్తున్నాయి. ఓ మహిళా దర్శకురాలు ఇలాంటి సీన్ రాయడమా, అదే పురుష దర్శకుడు ఇలాంటి సీన్ రాస్తే మీరు ఊరుకుంటారా అని అంటున్నారు. ఇక ఇలాంటి సినిమాలు, సీన్లు తీయడంలో సిద్ధహస్తులు అయితే మాజీ, నేటి తరం దర్శకులు అయితే ఆమెను బాగా మెచ్చుకుంటున్నారు.
