బిగ్బాస్ తొలి వీకెండ్లో ఒక రోజు అయిపోయింది. ముందుగా అనుకున్నట్లే ఈ రోజు ఎలిమినేట్ అయ్యేదెవరో చెప్పలేదు. సేఫ్ అయినవాళ్ల పేర్లు మాత్రమే చెప్పారు. అందరూ అనుకున్నట్లే ముందుగా ఈ రోజు ముగ్గురిని సేఫ్ చేశారు. అయితే అందులో ఇద్దరు గెస్ చేసినవాళ్లే కాగా, ఒకరు అనూహ్యంగా సేఫ్ అయ్యారు. ఎలిమినేట్ టాప్ 3లో ఉంటారనుకున్న ఓ అమ్మాయి సేఫ్ అవ్వడం షాక్ అనే చెప్పాలి.
‘బిగ్బాస్ ఇంట్లో ఉండాల్సిన వ్యక్తి’ అంటూ ‘ఫిల్మీ ఫోకస్’ ముందుగా చెప్పిన అభిజీత్ ఫస్ట్ సేఫ్ అయ్యాడు. ప్రేక్షకులు అత్యధిక శాతం ఓట్లు వేయడంతో అభిజీత్ సేఫ్ అయినట్లు నాగ్ ప్రకటించాడు. సేఫ్ అయిన పేర్లలో రెండోది చెప్పడంతో అందరూ షాక్ అయ్యారు. అనూహ్యంగా సెకండ్ సేఫ్ పేరును సుజాతగా ప్రకటించాడు బిగ్ బాస్. మూడో సేఫ్ అయిన పర్సన్ నేమ్ అందరూ ఊహించిన పేరు గంగవ్వ. ప్రేక్షకుల అత్యధిక ఓట్లు సంపాదించిన మూడో పార్టిసిపెంట్గా గంగ్వను ప్రకటించాడు.
అంటే ఓట్లను ఆఖరి నాలుగు స్థానాల్లో నిలిచిన మెహబూబ్, దివి, సూర్యకిరణ్, అఖిల్లో రేపు ఒకరు ఎలిమినేట్ అయ్యే అవకాశం ఉందన్నమాట. చూద్దాం రేపు సేఫ్ అయ్యే ముగ్గురు ఎవరవుతారో.
