కింగ్ అక్కినేని నాగార్జున ప్రస్తుతం అటు ప్రవీణ్ సత్తారు తో ఒక యాక్షన్ సినిమా చేస్తూనే మరొకవైపు సోగ్గాడే చిన్ని నాయన మూవీ సీక్వెల్ అయిన బంగార్రాజు మూవీ అధికారికంగా అనౌన్స్ చేసారు. కొద్దిరోజుల క్రితం అఫీషియల్ గా పూజా కార్యక్రమాలు జరిగిన ఈ సినిమాకి కళ్యాణ్ కృష్ణ దర్శకత్వం వహిస్తుండగా ఎంతో భారీ వ్యయంతో నాగార్జున, అన్నపూర్ణ స్టూడియోస్ బ్యానర్ పై దీనిని గ్రాండ్ గా నిర్మిస్తున్నారు. ఇక ఆయన తనయుడు అక్కినేని నాగ చైతన్య
కూడా ముఖ్య పాత్ర చేస్తున్న ఈ సినిమాలో కృతి శెట్టి హీరోయిన్ గా నటిస్తుండగా రమ్యకృష్ణ కీలక రోల్ చేయనున్నారు. అయితే నిజానికి ఈ మూవీలో అక్కినేని అఖిల్ కూడా ఒక రోల్ చేయాల్సి ఉందని, కానీ ప్రస్తుతం అతడు ఏజెంట్ సినిమా షెడ్యూల్స్ తో పూర్తిగా బిజీగా ఉండడంతో పాటు పలు ఇతర దర్శకుల నుండి కూడా తన నెక్స్ట్ సినిమాల విషయమై కథలు వింటూ తీరిక లేకుండా సమయం గడుపుతున్నట్లు సమాచారం.
అందుకే అతడి స్థానంలో వేరొక నటుడిని తీసుకునేందుకు నాగ్ సిద్ధం అయ్యారని, ఇప్పటికే ప్రీ ప్రొడక్షన్ వర్క్ స్టార్ట్ అయిన ఈ సినిమా ఫస్ట్ షెడ్యూల్ త్వరలో హైదరాబాద్ లో జరగనుండగా సినిమాలో ఇతర నటీనటులు, సాంకేతిక నిపుణుల వివరాలు త్వరలో అధికారకంగా వెల్లడి కానున్నాయని తెలుస్తోంది. ఈ సినిమా కోసం నాగ్ ఎక్కడా కూడా కాంప్రమైజ్ కాకుండా భారీ బడ్జెట్ ఖర్చు చేయనున్నారని అంటున్నారు. మరి సోగ్గాడే చిన్ని నాయన మాదిరిగా ఈ సినిమా కూడా ఎంత వరకు సక్సెస్ కొడుతుందో చూడాలి.
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
