ఆర్ ఆర్ ఆర్ పై ఆ అనుమానాలు బలపడుతున్నాయి..!

రాజమౌళి ప్రతిష్టాత్మక ప్రాజెక్ట్ ఆర్ ఆర్ ఆర్ గురించిన విషయాలు ఒక్కొక్కటి చిన్నగా బయటికి వస్తున్నాయి. రాజమౌళి ఎన్ని జాగ్రత్తలు తీసుకున్నప్పటికీ భారీ క్రూ పనిచేస్తున్న ఈ చిత్రం విషయాలు చిన్నగా బయటికి వస్తున్నాయి. ఇటీవల మరో భారీ ఫైట్ సీక్వెన్స్ సన్నివేశానికి సంబందించిన న్యూస్ బయటికి వచ్చింది, నవాబుల ఆయుధాలను కొల్లగొట్టే క్రమంలో కొమరం భీమ్ గా ఎన్టీఆర్ ఓ ట్రైన్ పై దాడి చేస్తాడట. నవాబులకు సంబంధించిన ఆయుధాలను తీసుకెళుతున్న ట్రైన్ పై దాడిచేసిన ఎన్టీఆర్ వారి సైన్యాన్ని చాకచక్యంగా ఛేదించి ఆయుధాలు దోచుకెళతాడట. వెండితెరపై ఈ ట్రైన్ ఫైట్ సీన్ ఫ్యాన్స్ కి గూస్ బంప్స్ కలిగించడం ఖాయం అని తెలుస్తుంది. ఐతే అన్ని లీకులు ఎన్టీఆర్ పైనే రావడం వెనుక గల ఆంతర్యం ఏమిటీ? అనేది అర్థం కావడం లేదు.

ఇప్పటివరకు మూడు కీలకమైన విషయాలు విషయాలు ఆర్ ఆర్ ఆర్ నుండి లీకయ్యాయి. వైజాగ్ షెడ్యూల్ సమయంలో ఎన్టీఆర్ లుక్ లీకుకావడం జరిగింది. ఎర్రని తలపాగా ధరించి అడవి తెగ ప్రజలతో ఆయన మాలాడుతున్నట్లుగా ఉన్న ఆ పిక్ అప్పట్లో విపరీతంగా వైరల్ అయ్యింది. ఆ తరువాత ఎన్టీఆర్ ఓ పులితో ముఖాముఖీ పోరుకి తలపడుతున్న ఫోటో మరియు వీడియో బయటికి వచ్చాయి. తాజాగా ఆయన ట్రైన్ పై దోపిడీకి సంబందించిన విషయాలు లీకవడం జరిగింది. ఆర్ ఆర్ ఆర్ కి సంబందించిన ఈ మూడు లీకులు ఎన్టీఆర్ కి సంబంధించినవే కావడం విశేషం. మరో హీరో రామ్ చరణ్ అల్లూరి సీతారామరాజు పాత్ర చేస్తుండగా ఆయనకు సంబంధించిన ఎటువంటి విషయాలు బయటికి రాలేదు. మరి ఈ విషయాలన్నీ చూస్తుంటే ఎన్టీఆర్ రోల్ కి ప్రాధాన్యత ఎక్కువ ఉంటుందా అనే అనుమానాలు బలపడుతున్నాయి.

Most Recommended Video

నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్