ప్రస్తుతం సినిమా ప్రచారం అంటే.. సోషల్‌ మీడియాలో ప్రచారమే అన్నట్లుగా ఉంది. సినిమా గురించి ఏదైనా సమాచారం కావాలన్నా, ఇవ్వాలన్నా సోషల్‌ మీడియానే ఎంచుకుంటున్నా సినిమా జనాలు, అలాగే నెటిజన్లు కూడా. అయితే ఇదంతా కాయిన్‌కి ఒకవైపు మాత్రమే, మరోవైపు నెటిజన్ల పేరుతో, సమాచారం పేరుతో తమ అజ్ఞానాన్ని వెదజల్లుతున్నారు. అలాగే అభిమానం పేరుతో కొంతమంది ఉన్మాదులు హెరాస్‌ చేస్తున్నారు. ఇప్పుడు ఇదంతా ఎందుకు అనుకుంటున్నారా? ఈ పోరు పడలేకే స్టార్‌ దర్శకుడు ఒకరు అకౌంట్ క్లోజ్‌ చేశారు అని చెబుతున్నారు.
‘కేజీయఫ్‌’ సినిమాలతో పాన్‌ ఇండియా దర్శకుడిగా మారిపోయారు ప్రశాంత్ నీల్. దాంతో ఆయన నెక్స్ట్‌ సినిమా ఏంటి? అంటూ చాలామంది ఎదురుచూశారు. ఈ క్రమంలో ప్రభాస్‌ లాంటి పాన్‌ ఇండియా హీరోతో సినిమా అనౌన్స్‌ చేశారు. దీంతో ఆ సమయంలో కన్నడ ఫ్యాన్స్‌ కాస్త హర్ట్‌ అయ్యారు. అంతటి అద్భుతమైన సినిమా ఇచ్చాక.. కన్నడలో కాకుండా తెలుగులో నెక్స్ట్‌ సినిమా ఏంటి అని విసుక్కున్నారు. ఆ వెంటనే ఎన్టీఆర్‌తో సినిమా అనౌన్స్‌ చేశారు. ఇవన్నీ అక్కడి ప్రేక్షకులకు కోపం తెప్పించాయి.
అయితే, ఇటీవల కాలంలో ఈ చర్చ ఎక్కడా రావవడం లేదు అనుకుంటుండగా.. మొన్నీమధ్య యశ్‌ పుట్టిన రోజు సందర్భంగా మళ్లీ చర్చ వచ్చింది. ‘కేజీయఫ్‌ 3’ సినిమా అప్‌డేట్స్‌ కావాలంటే యశ్‌ ఫ్యాన్స్‌, కన్నడ ప్రేక్షకులు ప్రశాంత్ నీల్‌కు వరుసగా ట్విటర్‌లో మెసేజ్‌లు చేశారు. ఈ క్రమంలో ఒకరిద్దరు అదుపు తప్పి కామెంట్లు చేశారు అని కూడా చెబుతున్నారు. ఇవన్నీ చూసి నీల్ చాలా హర్ట్‌ అయ్యారని, అందుకే ఏకంగా ట్విటర్‌ అకౌంట్ క్లోజ్‌ చేసేశారని చెబుతున్నారు.
మరికొందరు అయితే డీయాక్టివేట్‌ చేశారని, త్వరలో వస్తారని చెబుతున్నారు. గతంలో కొరటాల శివ కూడా ఇలానే ట్విటర్‌ అకౌంట్‌ను క్లోజ్‌ చేసేశారు. ‘ఆచార్య’ సినిమా సమయంలో ఆయన ఈ పని చేశారు. ఇప్పుడు ప్రశాంత్ నీల్ అదే పని చేశారు. ఇదంతా చూస్తుంటే మన దర్శకులు బాగా హర్ట్‌ అవుతున్నారు అనిపిస్తోంది.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
Home
