ధనుష్‌ సినిమా గురించి శేఖర్‌ కమ్ముల ఏం చెప్పడం లేదేంటో?

February 13, 2023 / 01:54 PM ISTByFilmy Focus

Join Us

ధనుష్‌ సినిమా గురించి శేఖర్‌ కమ్ముల ఏం చెప్పడం లేదేంటో?

‘సార్‌’ సినిమాతో ధనుష్‌ టాలీవుడ్‌ ఎంట్రీ ఇస్తున్నాడు. అయితే ఇది డబ్బింగా? లేక బైలింగ్వులా అనేది సినిమా వచ్చాక తెలుస్తుంది. ఆ విషయం పక్కనపెడితే.. ‘సార్‌’ సినిమా ధనుష్‌కి తొలి తెలుగు సినిమా కాదు. అదేంటి అంటున్నారా? ధనుష్‌, వెంకీ అట్లూరి కాంబినేషన్‌లో ‘సార్‌’ సినిమా అనౌన్స్‌ చేశారు. అప్పుడే శేఖర్‌ కమ్ముల మూవీ కూడా అనౌన్స్‌ చేశారు. చాలా రోజుల క్రితమే ఏషియన్‌ బ్యానర్‌ మీద ఈ సినిమా తెరకెక్కాల్సింది. కానీ ఏమైందో కానీ ఇంకా ఆ సినిమా మీద ఉలుకూ పలుకూ లేదు.

వైవిధ్య దర్శకుడు శేఖర్‌ కమ్ముల, భిన్నమైన సినిమాలు చేసే హీరో ధనుష్‌ కలయికలో సినిమా అనేసరికి.. వావ్‌ అనుకున్నారంతా. అయితే ఏమైందో ఏమో మళ్లీ ఆ సినిమా ఊసు చాలా రోజులు లేదు. టీమ్‌ పుట్టిన రోజుల సమయంలో కాస్త ఆ సినిమా అప్‌డేట్‌ వస్తుందేమో అనుకున్నారు. పెద్దగా ఏమీ లేదు. అయితే ఇప్పుడు ‘సార్‌’ సినిమా రిలీజ్‌కి రెడీ అయ్యింది. దీంతో అసలు శేఖర్‌ కమ్ముల సినిమా ఏమైంది, ఉందా? లేదా? అనే ప్రశ్న వినిపిస్తోంది.

రెండు సినిమాలు ఒకేసారి చేయాలని అనడం లేదు కానీ.. సినిమా గురించి ఎలాంటి అప్‌డేట్‌ లేకపోవడం ఏంటి అనేదే ప్రశ్నగా మిగిలిపోయింది. షూటింగ్‌ సంగతి పక్కనపెట్టండి. కనీసం సింగిల్‌ అప్‌డేట్‌ కూడా లేకపోవడం విచిత్రంగా ఉంది. దీంతో ఏమైందా అని ఆరా తీస్తే.. కథ విషయంలో ధనుష్ అంత హ్యాపీగా లేరని తెలుస్తోంది. అందుకే శేఖర్ కమ్ముల స్క్రిప్ట్‌కి ఇంకా రిపేర్లు చేస్తున్నారని అంటున్నారు. నాగచైతన్య – సాయిపల్లవి ‘లవ్ స్టోరీ’ కూడా శేఖర్ కమ్ములకు పెద్ద హిట్ ఇవ్వని విషయం తెలిసిందే.

ఈ నేపథ్యంలో వెంటనే శేఖర్‌ కమ్ముల సినిమా ప్రారంభించి మంచి సినిమా ఇవ్వాలి కానీ.. ఇలా గ్యాప్‌ తీసుకోవడం ఏంటి అంటున్నారు. ఈ ప్రశ్నకు పుకార్లు కాకుండా శేఖర్‌ కమ్ములనో, లేక నిర్మాతలో క్లారిటీ ఇస్తే బాగుంటుంది.