ఓ సీనియర్ స్టార్ హీరో ‘నీతో సినిమా చేయాలని ఉంది’ అని అంటే ఏ దర్శకుడైనా నో అంటారా? యువ స్టార్ హీరోతో సినిమా చేద్దామని ఓ దర్శకుణ్ని నిర్మాత అప్రోచ్ అయితే ఆయన నో చెబుతారా? మామూలుగా అయితే ఈ రెండు ప్రశ్నలకూ ‘నో’ అనే అనే సమాధానమే వస్తుంది. ఎందుకంటే అలాంటి సూపర్స్టార్లతో సినిమా అంటే నచ్చనివారుండరు, వదులుకోని వారుండరు. కానీ రీసెంట్ టైమ్స్లో ‘నో’ చెప్పిన ఇద్దరు యువ దర్శకులు కనిపించారు.
చిరంజీవి (Chiranjeevi) సినిమా చేద్దాం అంటే యువ దర్శకుడు వెంకీ అట్లూరి నో చెప్పారు అని ఈ మధ్యే మీరు వార్త చదివి ఉంటారు. ఇప్పుడు రామ్చరణ్కు (Ram Charan) కూడా ఇలాంటి పరిస్థితే ఎదురైందట. ఈ విషయాన్ని ఆ దర్శకుడే చెప్పారు. దీంతో ఈ విషయం ఒక్కసారిగా వైరల్గా మారింది. చందు మొండేటి ఆ మధ్య ఓ అగ్ర హీరోతో సినిమా చేస్తారని.. ఆ మేరకు అల్లు అరవింద్ (Allu Aravind) ప్లాన్ వేశారు అని వార్తలొచ్చాయి. ఆ హీరోనే రామ్చరణ్ అంటున్నారు.
‘కార్తికేయ 2’ (Karthikeya 2) సినిమా తర్వాత చందు మొండేటితో సినిమా చేయాలని అల్లు అరవింద్ ఫిక్స్ అయ్యారట. ఈ మేరకు ఓ భారీ బడ్జెట్ను సిద్ధం చేసుకొని రామ్చరణ్తో సినిమా చేద్దామని అనుకున్నారట. అయితే ఆయనకు తగ్గ కథ తన దగ్గర లేదని, తర్వాత ఎప్పుడైనా చేద్దాం అని చందు మొండేటి నో (Chandoo Mondeti) చెప్పారట. అయితే సూర్యతో (Suriya) సినిమా చేయడానికి ఓకే అయ్యారట. సూర్య కోసం కథ ఉంది కానీ చరణ్ కోసం లేకపోవడం ఏంటో అర్థం కావడం లేదు.
ఇక ‘లక్కీ భాస్కర్’ (Lucky Baskhar) సినిమా చూశాక చిరంజీవి ఆ టీమ్ని పిలిచి మాట్లాడారు. ఈ క్రమంలోనే వెంకీ అట్లూరిని (Venky Atluri) ఓ కథ రెడీ చేయమన్నారట. దానికి ఆయన కూడా నా దగ్గర మీ స్థాయి కథ లేదు. ఓ సంవత్సరం తర్వాత వచ్చి మిమ్మల్ని కలుస్తా అని చెప్పారట. ఈ విషయాన్ని నిర్మాత నాగవంశీ (Suryadevara Naga Vamsi) ఇటీవల చెప్పారు. దీంతో మెగా హీరోలతో సినిమా అంటే యువ దర్శకులు ఇలా ఎందుకు అంటున్నారు అనేది ఆసక్తికరంగా మారింది.
