టాలీవుడ్ ఇండస్ట్రీలో ప్రస్తుతం ఒక్కో కుటుంబం నుంచి ఒక హీరో లేదా ఎక్కువమంది హీరోలు సత్తా చాటుతున్నారు. చాలామంది స్టార్ హీరోలు 100 కోట్ల రూపాయల మార్కెట్ ను సొంతం చేసుకుని బాక్సాఫీస్ వద్ద సంచలనాలు సృష్టిస్తున్నారు. అయితే అక్కినేని హీరోలు విజయాలను అందుకుంటున్నా ఆ సినిమాలు బాక్సాఫీస్ వద్ద సంచలనాలు సృష్టించడంలో విఫలమవుతూ ఉండటం గమనార్హం. ఇప్పటివరకు అక్కినేని హీరోల సినిమాలలో ఏ సినిమా కూడా 60 కోట్ల రూపాయల షేర్ కలెక్షన్లను సొంతం చేసుకోలేదు.
నాగార్జున, నాగచైతన్య కలిసి నటించిన బంగార్రాజు సినిమాకు హిట్ టాక్ వచ్చినా ఈ సినిమాకు 50 కోట్ల రూపాయల షేర్ కలెక్షన్లు కూడా రాలేదనే సంగతి తెలిసిందే. ఏజెంట్ సినిమాతో అఖిల్ 100 కోట్ల రూపాయల క్లబ్ లో చేరతారని అభిమానులు భావిస్తుండటం గమనార్హం. ఈ సినిమాకు సురేందర్ రెడ్డి దర్శకుడు అనే సంగతి తెలిసిందే. సురేందర్ రెడ్డి డైరెక్షన్ లో తెరకెక్కిన సినిమాలు అయితే బ్లాక్ బస్టర్ లేదా డిజాస్టర్ అవుతుంటాయి.
ఈ సినిమా బ్లాక్ బస్టర్ హిట్ గానే నిలవాలని ఫ్యాన్స్ కోరుకుంటున్నారు. ఏజెంట్ సినిమా ఈ ఏడాదే ఆగష్టు నెలలో థియేటర్లలో విడుదల కానుంది. అఖిల్ రెమ్యునరేషన్ తీసుకోకుండా ఈ సినిమాలో నటిస్తున్నారని వార్తలు ప్రచారంలోకి వస్తున్నాయి. సినిమా విడుదలై సక్సెస్ సాధిస్తే అఖిల్ కు లాభాల్లో వాటా దక్కనుందని సమాచారం. గతేడాది విడుదలైన మోస్ట్ ఎలిజిబుల్ బ్యాచిలర్ సినిమాతో అఖిల్ ఖాతాలో తొలి హిట్ చేరింది. ఏజెంట్ సినిమాతో సక్సెస్ ట్రాక్ ను కొనసాగించాలని ఈ హీరో అనుకుంటున్నారు.
ఇప్పటికే ఈ సినిమా నుంచి విడుదలైన పోస్టర్లకు ప్రేక్షకుల నుంచి మంచి రెస్పాన్స్ వస్తోంది. 50 కోట్ల రూపాయలకు పైగా బడ్జెట్ తో ఈ సినిమా తెరకెక్కనుందని వార్తలు ప్రచారంలోకి వస్తున్నాయి. ఈ సినిమాకు సంబంధించి మరిన్ని వివరాలు తెలియాల్సి ఉంది.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home