Anirudh: తారక్ ఫ్యాన్స్ అంచనాలను అనిరుధ్ అందుకుంటారా?

యంగ్ టైగర్ జూనియర్ ఎన్టీఆర్ అనిరుధ్ కాంబినేషన్ లో ఎన్టీఆర్30 మూవీ తెరకెక్కుతుందనే తెలిసిందే. తమిళంలో స్టార్ మ్యూజిక్ డైరెక్టర్ గా అనిరుధ్ కు మంచి పేరు ఉన్నప్పటికీ తెలుగులో ఈ మ్యూజిక్ డైరెక్టర్ ట్రాక్ రికార్డ్ ఆశించిన విధంగా లేదు. అజ్ఞాతవాసి, యూ టర్న్, జెర్సీ, నాని గ్యాంగ్ లీడర్ సినిమాలకు అనిరుధ్ మ్యూజిక్ డైరెక్టర్ గా పని చేశారు. ఈ సినిమాలలో ఏ సినిమా కూడా బాక్సాఫీస్ వద్ద అనిరుధ్ కు మరీ మంచి పేరును తెచ్చిపెట్టలేదు.

అయితే ఎన్టీఆర్30 తో అనిరుధ్ కచ్చితంగా ప్రూవ్ చేసుకోవాల్సి ఉంది. తెలుగులో స్టార్ హీరోల ప్రాజెక్ట్ లు మరిన్ని రావాలని భావిస్తే మాత్రం ఆయన ఈ అద్భుతమైన అవకాశాన్ని వినియోగించుకుంటే మంచిదని సోషల్ మీడియా వేదికగా కామెంట్లు వినిపిస్తున్నాయి. ఎన్టీఆర్ మూవీకి మ్యూజిక్ అంటే అటు మాస్ ప్రేక్షకులను, ఇటు క్లాస్ ప్రేక్షకులను మెప్పించే విధంగా ఉండాలి. గూస్ బంప్స్ వచ్చే మ్యూజిక్ ఉంటే మాత్రమే తారక్ ఫ్యాన్స్ కు నచ్చుతుంది.

అజ్ఞాతవాసి మూవీ రిలీజైన సమయంలో సాంగ్స్, బీజీఎం విషయంలో కొన్ని విమర్శలు రావడంతో అనిరుధ్ పై ఊహించని స్థాయిలో ట్రోల్స్ వచ్చాయి. ఎన్టీఆర్30 మూవీ విషయంలో అనిరుధ్ ఏ మాత్రం అంచనాలను అందుకోకపోయినా ఫ్యాన్స్ అనిరుధ్ కు చుక్కలు చూపిస్తారని ప్రత్యేకంగా చెప్పాల్సిన అవసరం లేదు. తారక్ ఫ్యాన్స్ నమ్మకాన్ని ఫ్యాన్స్ నిలబెట్టుకుంటారో లేదో చూడాల్సి ఉంది.

తారక్ కొరటాల శివ కాంబో మూవీ షూట్ అతి త్వరలో మొదలు కానుంది. తెలుగు, హిందీ, తమిళం, మలయాళం, కన్నడ భాషల్లో ఈ సినిమా రిలీజ్ కానుంది. 2024 సంవత్సరం ఏప్రిల్ నెల 5వ తేదీన ఈ సినిమా థియేటర్లలో విడుదల కానుంది. తారక్ లోని మాస్ యాంగిల్ ను ఈ సినిమాలో కొరటాల శివ సరికొత్తగా ఎలివేట్ చేయనున్నారని ఇండస్ట్రీ వర్గాల్లో వినిపిస్తుండటం గమనార్హం.

హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!

సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!