మహేష్ డైరెక్టర్ కు ఆ స్టార్లు ఛాన్సులు ఇస్తారా?

వరుస విజయాలతో దూసుకుపోతున్నాడు అనిల్ రావిపూడి. ‘పటాస్’ ‘సుప్రీమ్’ ‘రాజా ది గ్రేట్’ ‘ఎఫ్2’ ‘సరిలేరు నీకెవ్వరు’ వంటి అన్ని చిత్రాలు హిట్లే. మరీ ముఖ్యంగా ఈ సినిమాల్లో హీరోలకు ఇవి కెరీర్ హైయెస్ట్ కలెక్షన్లను రాబట్టిన సినిమాలు కావడం విశేషం. మాస్ ఆడియన్స్ పల్స్ ను క్యాచ్ చేయడంలో అనిల్ రావిపూడి బాగా స్పెషలిస్ట్. యాక్షన్, కామెడీ ఈయనకి ప్రధాన బలాలు. ఇక ప్రస్తుతం అనిల్ రావిపూడి ‘ఎఫ్3’ స్క్రిప్ట్ ను రెడీ చేసే పనుల్లో బిజీగా గడుపుతున్నాడు. అయితే అనిల్ ఇటీవల ఇద్దరు స్టార్ హీరోల కోసం కథలు రెడీ చేసుకున్నాడట. ఆ హీరోలు మరెవరో కాదు మెగాస్టార్ చిరంజీవి మరియు ఎన్టీఆర్.

అయితే అనిల్ ట్రాక్ రికార్డు బట్టి .. ఎవ్వరైనా ఓకే చెప్పేస్తారు అని అందరూ అనుకుంటారు. అయితే కొంత మంది అది సాధ్యం కాదు అనే కామెంట్స్ కూడా చేస్తున్నారు. వారు అలా అనడానికి ప్రధాన కారణం.. అనిల్ ఎప్పుడూ రొటీన్ కథలు చేయడం వల్లనే అని వారంటున్నారు. ఏదో సంక్రాంతి సీజన్ కలిసొచ్చింది కాబట్టి ఇలా హిట్లందుకున్నాడు కానీ.. చిరు, ఎన్టీఆర్ లను మెప్పించాలంటే చాలా కష్టం అని వారంటున్నారు. అయితే ఇప్పటి వరకూ అనిల్ కొన్ని ఎక్స్పరిమెంట్లతో కూడిన కమర్షియల్ సినిమాలనే చేసాడనే వారు కూడా గుర్తించాల్సి ఉంది. హీరో ఇమేజ్ ను దృష్టిలో పెట్టుకుని కమర్షియల్ ఆడియన్స్ మరియు ఫ్యాన్స్ , ఇక ఆ హీరో అభిమానుల్ని అలరిస్తూ సినిమాలు తెరకెక్కించడం అంటే మాటలు కాదు. అవన్నిటినీ అనిల్ కరెక్ట్ గా మిక్స్ చేసి ప్రెజెంట్ చేస్తుంటాడు. ఎంత సంక్రాంతి సీజన్ అయినప్పటికీ ‘వినయ విధేయ రామ’ ‘నమో వెంకటేష్’ ‘సీమ సింహం’ వంటి కమర్షియల్ సినిమాలు ఆడలేదు కదా. కమర్షియల్ కంటెంట్ అయినప్పటికీ దానిని ఎంగేజింగ్ గా చెప్పడం కూడా తెలియాలి. కాబట్టి చిరు, ఎన్టీఆర్ వంటి స్టార్లు అనిల్ తో సినిమాలు చేయడానికి ఓకే చెప్పే అవకాశాలు కూడా ఉన్నాయనే చెప్పాలి.

Most Recommended Video

వరల్డ్ ఫేమస్ లవర్ సినిమా రివ్యూ & రేటింగ్!
పవన్ కళ్యాణ్ రీమేక్ చేసిన 11 సినిమాల
ఒక చిన్న విరామం సినిమా రివ్యూ & రేటింగ్!