Jana Nayagan: చివరి సినిమా విషయంలో విజయ్ మనసు మార్చుకున్నారా?

కోలీవుడ్ స్టార్ హీరో విజయ్ (Vijay Thalapathy) చివరి సినిమాగా ‘జన నాయగన్‌’ (Jana Nayagan) తెరకెక్కుతుంది. దీని తర్వాత పూర్తిస్థాయి రాజకీయాల్లో బిజీ అవ్వాలని, తన పార్టీని బలోపేతం చేయాలని విజయ్ భావిస్తున్నట్టు కూడా గతంలో చెప్పుకొచ్చారు. దీంతో అభిమానులు ఆనందపడాలో.. బాధపడాలో అర్థం కాని పరిస్థితుల్లో ఉన్నారు. అయితే చివరి సినిమా విషయంలో విజయ్ మనసు మార్చుకున్నారు అని టాక్ వినిపిస్తోంది.

Jana Nayagan

ఇటీవల ఓ సందర్భంలో ‘జన నాయగన్’ (Jana Nayagan) తర్వాత నిజంగా సినిమాల్లో నటించారా? అంటూ విజయ్ (Vijay Thalapathy)ను ప్రశ్నించిందట హీరోయిన్ మమితా బైజు (Mamitha Baiju). అందుకు విజయ్ ‘అది పూర్తిగా 2026 ఎన్నికల ఫలితాలపై ఆధారపడి ఉంటుందని’ చెప్పారట. సో ఎన్నికల ఫలితాలు తారుమారు అయితే విజయ్ సినిమాల్లో కొనసాగే అవకాశాలు ఉన్నాయని అర్థం చేసుకోవచ్చు.

విజయ్ (Vijay Thalapathy) సినిమాలకి రూ.400 కోట్ల మార్కెట్ ఉంది. ఆయన ఒక్కో సినిమాకి రూ.200 కోట్ల వరకు పారితోషికం అందుకుంటున్నట్టు కోలీవుడ్ మీడియా కోడై కూసింది. ‘జన నాయగన్’ కి ఆయన రూ.200 కోట్లు తీసుకున్నారు. డిజాస్టర్ టాక్ వచ్చినా విజయ్ సినిమాలకి భారీ ఓపెనింగ్స్ వస్తాయి.

‘గోట్’ (The Greatest of All Time) కి డిజాస్టర్ టాక్ వచ్చినా అది రూ.400 కోట్లు కలెక్ట్ చేసింది. అలాగే ‘లియో’ (Leo) కి నెగిటివ్ టాక్ వచ్చినా అది రూ.500 కోట్లు పైనే కలెక్ట్ చేసింది. బాక్సాఫీస్ వద్ద విజయ్ సినిమాలకి ఆ సత్తా ఉంది కాబట్టే.. విజయ్ ఎంత పారితోషికం డిమాండ్ చేసినా.. నిర్మాతలు కాదనకుండా ఇవ్వడానికి రెడీ అవుతారు.

‘కన్నప్ప’ తో పాటు ఈ వారం థియేటర్/ ఓటీటీల్లో రిలీజ్ కానున్న 15 సినిమాల లిస్ట్