డైరెక్టర్ దొరికితే పవన్, రానా మల్టీ స్టారర్ సెట్ అయిపోయినట్టేనట..!

మలయాళంలో సూపర్ హిట్ అయిన ‘అయ్యప్పన్ కోషియమ్’ రీమేక్ రైట్స్ ను ‘సితార ఎంటర్టైన్మెంట్స్’ వారు కొనుగోలు చేసి పెట్టుకున్న సంగతి అందరికీ తెలిసిందే. ఈ రీమేక్ లో ఇద్దరు హీరోలు అవసరం. ఓ హీరోగా రానా ఫిక్స్ అయ్యాడు. అయితే మరో హీరోగా ఎవరు చేస్తారు అనే విషయం పై చాలా వార్తలు వచ్చాయి. మొదట బాలకృష్ణ అన్నారు.. తరువాత వెంకటేష్ అన్నారు. ఓ దశలో రవితేజ ఫిక్స్ అన్నారు. కానీ అవన్నీ ఊహాగానాలే అనే చర్చ కూడా నడిచింది.

ఇదిలా ఉండగా.. ఇప్పుడు పవన్ కళ్యాణ్ ఈ రీమేక్ లో నటించడానికి రెడీ అయ్యారని ప్రచారం జరుగుతుంది. మాటల మాంత్రికుడు త్రివిక్రమ్.. ఈ రీమేక్ కు సంబంధించిన కథలో కొన్ని మార్పులు చేశారట. అంతేకాదు సంభాషణలు కూడా అందిస్తున్నారని తెలుస్తుంది. అయితే డైరెక్షన్ మాత్రం ఈయన చెయ్యడం లేదట. ఓ యంగ్ డైరెక్టర్ ఈ రీమేక్ ను తెరకెక్కించే ఛాన్స్ ఉందట.ఈ చిత్రం షూటింగ్ కోసం ఎటువంటి ఫారిన్ లొకేషన్స్ కు వెళ్లనవసరం లేదట. 2 నెలల్లోనే పూర్తిచేసేలా స్క్రిప్ట్ పక్కాగా రెడీ అయ్యిందట. ‘వకీల్ సాబ్’ తరువాత పవన్ ఎలాగూ క్రిష్ డైరెక్షన్లో సినిమా చెయ్యాలి.

కానీ దానికి ఒక 3,4 నెలలు టైం పడుతుందని ఇన్సైడ్ టాక్. నిజానికి క్రిష్ డైరెక్షన్లో పవన్ చెయ్యబోతున్న చిత్రం షూటింగ్ ఆల్రెడీ మొదలయ్యింది. కానీ తరువాతి షెడ్యూల్స్ కు టైం పడుతుందట. అందుకే ఈ గ్యాప్లో ‘అయ్యప్పన్ కోషియమ్’ రీమేక్ లో నటించమని త్రివిక్రమ్… పవన్ ను కోరగా.. అందుకు ఆయన ఓకే చెప్పినట్టు తెలుస్తుంది. డైరెక్టర్ కనుక ఫిక్స్ అయితే ఈ చిత్రం వెంటనే సెట్స్ పైకి వెళ్లే అవకాశం ఉందని సమాచారం.

Most Recommended Video

చిన్నపిల్లలుగా మారిపోయిన ‘బిగ్ బాస్4’ కంటెస్టెంట్స్.. ఎలా ఉన్నారో మీరే చూడండి..!
‘సర్జరీ’ చేయించుకున్న హీరోయిన్లు వీళ్ళే!
భీభత్సమైన బ్లాక్ బస్టర్ ఇచ్చిన హీరోలే తరువాత భయంకరమైన డిజాస్టర్లు కూడా ఇచ్చారు…!