ఒక సినిమాను ప్రమోట్ చేసుకుంటున్న తరుణంలో.. హీరోహీరోయిన్లు, దర్శకనిర్మాతలు రకరకాల స్టేట్మెంట్లు ఇస్తుంటారు. సదరు స్టేట్మెంట్లు సినిమా మీద వాళ్ళకి ఉన్న నమ్మకానికి నిదర్శనంగా నిలుస్తుంటాయి. ఇవాళ జరిగిన “క” (KA) ప్రెస్ మీట్ లో హీరో కిరణ్ అబ్బవరం (Kiran Abbavaram) అలాంటి స్టేట్మెంట్ ఒకటి ఇచ్చాడు. ఆ స్టేట్మెంట్ ప్రస్తుతం సోషల్ మీడియాలో సెన్సేషన్ క్రియేట్ చేస్తోంది. ఈ సినిమా నిజంగా అంత కొత్తగా ఉంటుందా అని ఓ పాత్రికేయుడు అడిగిన ప్రశ్నకు సమాధానంగా కిరణ్ అబ్బవరం..
“ఒకవేళ ఈ సినిమా క్లైమాక్స్ గనుక ఎక్కడైనా చూసినట్లు అనిపిస్తే.. ఇక నేను సినిమాలు చేయడం ఆపేస్తాను” అని చెప్పడం చిన్నపాటి సెన్సేషన్ క్రియేట్ చేసింది. మరీ ముఖ్యంగా ఆ స్టేట్మెంట్ ఇచ్చారు కదా మరి నిలబడతారా అని తిరిగి ప్రశ్నించినప్పుడు “కచ్చితంగా ఉంటాను” అని కిరణ్ అబ్బవరం గట్టిగా చెప్పడం అనేది “క” సినిమా మీద అతడికి ఉన్న అంచనాలు ఏ స్థాయిలో ఉన్నాయో అర్థమయ్యేలా చేసింది. సందీప్ & సుజీత్ దర్శకత్వంలో తెరకెక్కిన ఈ చిత్రం అక్టోబర్ 31న విడుదలవుతుంది.
నిజానికి ఈ సినిమాని తెలుగుతోపాటు తమిళం, మలయాళం, కన్నడ & హిందీ భాషల్లోనూ ఏకకాలంలో విడుదల చేయాలని ప్రయత్నించినప్పటికీ.. తమిళంలో “అమరన్” (Amaran), మలయాళంలో “లక్కీ భాస్కర్”(Lucky Baskhar), హిందీలో “సింగం ఎగైన్ (Singham Again) & భూల్ బులాయా 3” ఉండడంతో తప్పనిసరి పరిస్థితుల్లో తెలుగు మినహా మిగతా భాషల్లో ఈ సినిమాను నవంబర్ 7న విడుదల చేయాలని చిత్రబృందం నిర్ణయించుకున్నారు. మరి కిరణ్ అబ్బవరం (Kiran Abbavaram పెట్టుకున్న ఆశలు “క” నెరవేరుస్తుందా?
సినిమా విడుదల తర్వాత కిరణ్ అబ్బవరం (Kiran Abbavaram) తాను ఇచ్చిన స్టేట్మెంట్ కి కట్టుబడాల్సిన పరిస్థితి నెలకొంటుందా? అనేది వేచి చూడాల్సిన విషయం. ఇకపోతే.. నయన్ సారిక Nayan Sarika , తన్వి రామ్ (Tanvi Ram) హీరోయిన్లుగా నటిస్తున్న ఈ సినిమాలో విలన్ ఎవరు అనేది ఇప్పటివరకు సస్పెన్స్ గా ఉంచారు. ట్రైలర్ కట్ కూడా బాగుంది. ముఖ్యంగా బీజియం & ఎడిటింగ్ వర్క్ ట్రైలర్ కి మంచి హైప్ ఇచ్చాయి. సో, దీపావళి రేసులో “లక్కీ భాస్కర్, అమరన్, బఘేర, సింగం ఎగైన్” వంటి సినిమాలను తట్టుకొని “క” నిలబడుతుందా లేదా అనేది మరో నాలుగు రోజుల్లో తెలిసిపోతుంది.
అలా జరిగితే సినిమాలు చేయడం మానేస్తాను!
If the audience gets a Deja Vu feeling during the climax of #KA, I will stop doing the movies anymore..#KiranAbbavaram pic.twitter.com/FHnwWMOPh7
— Filmy Focus (@FilmyFocus) October 26, 2024
