మహేష్-వంశీ పైడిపల్లి థమన్ ని పెక్కన పెట్టారా?

మహేష్ వరుస విజయాలతో మంచి ఊపుమీద ఉన్నారు. ఆయన సరిలేరు నీకెవ్వరు మూవీతో హ్యాట్రిక్ హిట్స్ పూర్తి చేశారు. దర్శకుడు అనిల్ రావిపూడి తెరకెక్కించిన సరిలేరు నీకెవ్వరు మహేష్ కెరీర్ బెస్ట్ కలెక్షన్స్ నమోదుచేసింది. ఈ మూవీ ఫలితం అలా బయటికి వచ్చిందో లేదో మహేష్ తన తదుపరి చిత్రం ప్రకటించేశాడు. మహేష్ కి మహర్షి వంటి సూపర్ హిట్ ఇచ్చిన దర్శకుడు వంశీ పైడిపల్లితో సినిమా చేస్తున్నట్లు ఆయన ప్రకటించేశారు. వంశీ పైడిపల్లి సైతం ఈ విషయాన్ని ధ్రువీకరించడం జరిగింది. ఈ చిత్రం మాఫియా నేపథ్యంలో తెరకెక్కుతుండగా మహేష్ సరికొత్త లుక్ లో కనిపిస్తారని తెలుస్తుంది.

మే నుండి మహేష్ వంశీ పైడిపల్లి మూవీ సెట్స్ పైకి వెళ్లనుంది. కాగా ఈ చిత్రానికి మ్యూజిక్ డైరెక్టర్ గా థమన్ ని తీసుకున్నారని గతంలో వార్తలు వచ్చాయి. థమన్ అల వైకుంఠపురంలో చిత్రానికి ఇచ్చిన మ్యూజిక్ బ్లాక్ బస్టర్ గా నిలవడంతో మహేష్ థమన్ వైపు మొగ్గుచూపారని వార్తలు వచ్చాయి. ఐతే తాజా సమాచారం ప్రకారం థమన్ కి బదులుగా తమిళ సెన్సేషన్ అనిరుధ్ ని ఈ చిత్రానికి మ్యూజిక్ డైరెక్టర్ గా తీసుకోవాలని భావిస్తున్నారట. దాదాపు అనిరుధ్ ఈ చిత్రానికి సంగీత దర్శకుడిగా ఫైనల్ అయిపోయాడని తెలుస్తుంది. ఇదే కనుక జరిగితే మహేష్ మూవీకి అనిరుధ్ సంగీతం ఇవ్వడం ప్రథమం అవుతుంది. ఇక అనిరుధ్ ప్రస్తుతం విజయ్ నటిస్తున్న మాస్టర్ సినిమాతో పాటు దర్శకుడు శంకర్ తెరకెక్కిస్తున్న భారతీయడు 2 సినిమాకు కూడా మ్యూజిక్ అందిస్తున్నారు.

Most Recommended Video

వరల్డ్ ఫేమస్ లవర్ సినిమా రివ్యూ & రేటింగ్!
పవన్ కళ్యాణ్ రీమేక్ చేసిన 11 సినిమాల
ఒక చిన్న విరామం సినిమా రివ్యూ & రేటింగ్!