క్రేజ్ ఉన్నా.. ఈ అమ్మడికి కలిసిరావడం లేదు..!

చేసింది రెండు సినిమాలే అయినా.. మంచి క్రేజ్ ను సంపాదించుకుంది అదితి రావు హైదరి. బాలీవుడ్లో అనేక సినిమాల్లో నటించిన ఈ బ్యూటీకి అక్కడ పెద్దగా కలిసి రాలేదు. దీంతో తెలుగులోకి ఎంట్రీ ఇచ్చింది. సుధీర్ బాబు సరసన ‘సమ్మోహనం’ అనే చిత్రంతో అదితి తెలుగు ప్రేక్షకులకి పరిచయమైంది ఈ బ్యూటీ. ఇంద్రగంటి మోహన్ కృష్ణ డైరెక్షన్లో తెరకెక్కిన ఈ చిత్రం మంచి విజయాన్ని నమోదు చేసింది. ఈమె పెర్ఫార్మన్స్ కు కూడా ప్రశంసలు దక్కాయి. ఇక రెండో చిత్రం ‘అంతరిక్షం’ తో కూడా మంచి పేరు సంపాదించుకుంది.

అయితే ఈమెకు ఎక్కువ అవకాశాలు మాత్రం దక్కలేదు. ‘నవాబ్’ (తమిళ్) చిత్రంతో తమిళంలో కూడా నటించింది. అయితే ఇప్పుడు ఈమె నటిస్తున్న ‘వి’ చిత్రం తర్వాత కచ్చితంగా ఈమెకు ఎక్కువ ఆఫర్లు వస్తాయట. ఈ చిత్రంలో ఎంతో ప్రాముఖ్యమైన పాత్రలో అదితి కనిపిస్తుందని తెలుస్తుంది. ఇంద్రగంటి మోహన్ కృష్ణ డైరెక్ట్ చేస్తున్న ఈ చిత్రంలో అదితి.. హీరో సుధీర్ బాబు కు జంటగా నటిస్తుంది. ఇక మరో హీరో నాని సరసన నివేదా థామస్ నటిస్తుండడం విశేషం. మార్చి 25న ఈ చిత్రం విడుదల కాబోతుంది. ఇటీవల విడుదల చేసిన టీజర్ కు అద్భుతమైన స్పందన లభించిన సంగతి తెలిసిందే.

Most Recommended Video

‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!