Sudheer Babu: మరో సినిమాకి సుధీర్ బాబు గ్రీన్ సిగ్నల్!

టాలీవుడ్ యంగ్ హీరో సుధీర్ బాబు మొదటి నుండి కూడా సరికొత్త కథలను ఎన్నుకుంటూ నటుడిగా తన ప్రత్యేకతను చాటుకుంటున్నాడు. గతేడాది ‘వి’ సినిమాతో ప్రేక్షకుల ముందుకు వచ్చిన సుధీర్ బాబు ఇప్పుడు ‘శ్రీదేవి సోడా సెంటర్’, ‘ఆ అమ్మాయి గురించి మీకు చెప్పాలి’ వంటి సినిమాల్లో నటిస్తున్నాడు. అలానే పుల్లెల గోపీచంద్ సినిమా కూడా లైన్ లో ఉంది. ఇవి కాకుండా తాజాగా ఆయన ఓ సినిమా ఒప్పుకున్నట్లు తెలుస్తోంది.

తెలుగులో క్యారెక్టర్ ఆర్టిస్ట్ గా, రైటర్ గా ఎన్నో సినిమాలకు పని చేసిన హర్షవర్ధన్ ఇప్పుడు దర్శకుడిగా మారడానికి సిద్ధమవుతున్నారు. గతంలో ఆయన ‘గుండెజారి గల్లంతయ్యిందే’ లాంటి హిట్ సినిమాలకు రైటర్ గా పని చేశారు. ఇప్పుడు ఓ స్క్రిప్ట్ సిద్ధం చేసుకున్న ఆయన సుధీర్ బాబుకి వినిపించినట్లు తెలుస్తోంది. ఆయన అంగీకరించడంతో చకచకా పనులు మొదలుపెట్టినట్లు తెలుస్తోంది. డిఫరెంట్ ఫన్ ఎంటర్టైన్మెంట్ సబ్జెక్టుతో తెరకెక్కుతోన్న ఈ సినిమాను ఏషియన్ సినిమాస్ సంస్థ రూపొందించబోతుంది.

ఇప్పటికే ఈ సంస్థ నిర్మించిన ‘లవ్ స్టోరీ’ అనే సినిమా విడుదలకు సిద్ధంగా ఉంది. అలానే నాగశౌర్య హీరోగా ‘లక్ష్య’ అనే సినిమాను నిర్మిస్తున్నారు. వీటితో పాటు ధనుష్-శేఖర్ కమ్ముల కాంబినేషన్ లో భారీ పాన్ ఇండియా సినిమాను తెరకెక్కించనున్నారు.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!